టార్గెట్ కేటీఆర్..ఈసారి గురి తప్పేలా లేదే..!

హైదరాబాద్‌లో నిర్వహించిన ఫార్ములా ఈ రేస్ వ్యవహారంలో మాజీ మంత్రి, బీఆర్‌ఎస్ వర్కింగ్ ప్రెసిడెంట్ కేటీఆర్‌కు అవినీతి నిరోధక శాఖ (ఏసీబీ) నోటీసులు జారీ చేసింది. ఈ నెల 28న (బుధవారం) విచారణకు హాజరు కావాలని ఏసీబీ అధికారులు కేటీఆర్‌ను ఆదేశించినట్లు సమాచారం.

ఫార్ములా ఈ రేస్ నిర్వహణలో అక్రమాలు జరిగాయని, దీని ద్వారా రాష్ట్ర ఖజానాకు భారీ నష్టం వాటిల్లిందని గత కొంతకాలంగా ఆరోపణలు వస్తున్న విషయం తెలిసిందే. ఈ ఆరోపణల నేపథ్యంలోనే ఏసీబీ అధికారులు కేసు నమోదు చేసి దర్యాప్తు ప్రారంభించారు. ఈ దర్యాప్తులో భాగంగానే కేటీఆర్‌కు నోటీసులు జారీ చేసినట్లు తెలుస్తోంది.

ఈ కేసులో గతంలో కొంతమంది అధికారులు, నిర్వాహకులపై కూడా ఏసీబీ దృష్టి సారించినట్లు సమాచారం. ఏసీబీ నోటీసులపై కేటీఆర్ ట్విట్టర్ ద్వారా స్పందించారు.చట్టాన్ని గౌరవించే పౌరుడిగా, కేసు పూర్తిగా రాజకీయ వేధింపు అయినప్పటికీ, నేను ఖచ్చితంగా ఏసీబీకి సహకరిస్తానని కేటీఆర్ తెలిపారు.అయితే ముందుగానే విదేశాలకు వెళ్లడానికి ప్లాన్ చేసుకోవడంతో, ఆ పర్యటన ముగించుకున్న తర్వాత విచారణకు హాజరవుతానని కేటీఆర్ చెప్పుకొచ్చారు.ఇది రేవంత్ రెడ్డి రాజకీయ ప్రతీకార దాహానికి నిదర్శనమని కేటీఆర్ అభివర్ణించారు.

The ACB has given me a notice to appear for an enquiry on the 28th of May in the Formula E case

As a law abiding citizen, will definitely cooperate with the agencies even though the case is nothing but pure political harassment

As I have planned to leave for the UK & USA for…

— KTR (@KTRBRS) May 26, 2025

English summary

ACB Issue Notice To KTR On Formula E Case.