పట్టాలు తప్పిన చార్మినార్ ఎక్స్‌ప్రెస్

Charminar express: చెన్నై- హైదరాబాద్ మధ్య నడిచే చార్మినార్ ఎక్స్‌ప్రెస్ ప్రమాదానికి గురైంది. ఈ ఘటనలో 50 మంది ప్రయాణికులకు స్వల్ప గాయాలయ్యాయి. వారిని సమీప ఆసుపత్రికి తరలించారు. వారికి అత్యవసర చికిత్స అందిస్తోన్నారు. ఈ ఘటనలో ఎవరికీ ఎలాంటి ప్రాణాపాయం కలగలేదు.

ఈ ఉదయం నాంపల్లి రైల్వే స్టేషన్‌లో ఈ ఘటన సంభవించింది. చెన్నైలోని డాక్టర్ ఎంజీ రామచంద్రన్ సెంట్రల్ స్టేషన్ నుంచి బయలుదేరిన చార్మినార్ ఎక్స్‌ప్రెస్ ఈ ఉదయం నాంపల్లికి చేరుకుంది. స్టేషన్‌లో ప్రవేశించినప్పుడు ప్రమాదానికి గురైంది. పట్టాలు తప్పింది. ప్లాట్ ఫామ్ నంబర్ 5 మీదికి వచ్చిన అనంతరం పట్టాలు తప్పింది. నేరుగా వెళ్లి ఎదురుగా ఉన్న గోడను ఢీకొట్టింది.

ఈ ఘటనలో సుమారు 50 మంది ప్రయాణికులు స్వల్పంగా గాయపడ్డారు. వారిని సమీప ఆసుపత్రికి తరలించారు. ఈ ఘటనతో నాంపల్లి స్టేషన్‌లో కలకలం చోటు చేసుకుంది. అంబులెన్సుల సైరన్ మోతలతో మారుమోగింది. ప్రయాణికులు, వారి బంధువుల రాకతో ఉద్రిక్త వాతావరణం నెలకొంది.

నాంపల్లి లో చార్మినార్ ఎక్స్ ప్రెస్ ప్రమాదం..!!#CharminarExpress #NampallyRailwayStation #Oneindiatelugu pic.twitter.com/4BOEbvTbV3

— oneindiatelugu (@oneindiatelugu) January 10, 2024

ఈ సమాచారం అందిన వెంటనే దక్షిణ మధ్య రైల్వే అధికారులు నాంపల్లి రైల్వే స్టేషన్‌కు చేరుకున్నారు. పరిస్థితిని సమీక్షించారు. ఈ ప్రమాదంలో ఎవరికీ ప్రాణాపాయం సంభవించలేదని, కొందరు ప్రయాణికులు స్వల్పంగా గాయాలయ్యాయని తెలిపారు. వారికి చికిత్స అందిస్తున్నామని చెప్పారు. పట్టాలు తప్పడానికి గల కారణాలపై రైల్వే అధికారులు పూర్తి స్థాయి దర్యాప్తునకు ఆదేశించారు.

English summary

Charminar Express from Chennai to Hyderabad derailed at Nampally Railway Station in Hyderabad. Total 50 passengers gets minor injuries.