టీఆర్ఎస్ ఎంపీ నామా నాగేశ్వరరావుకు ఈడీ భారీ షాక్: రూ. 80 కోట్ల ఆస్తుల అటాచ్

హైదరాబాద్: తెలంగాణలో అధికార టీఆర్ఎస్ ఎంపీ నామా నాగేశ్వరరావుకు ఎన్‌ఫోర్స్‌మెంట్ డైరెక్టరేట్(ఈడీ) భారీ షాకిచ్చింది. నామా తోపాటు ఆయన కుటుంబానికి చెందిన రూ. 80.66 కోట్లను జప్తు చేసింది. హైదరాబాద్ జూబ్లీహిల్స్‌లోని మధుకాన్ గ్రూప్ ప్రధాన కార్యాలయం తోపాటు హైదరాబాద్, ఖమ్మం, ప్రకాశం జిల్లాల్లోని 28 స్థిరాస్తులను అటాచ్ చేసింది.

ED has provisionally attached 28 immovable properties and other assets worth Rs 80.65 Cr. belonging to Mr. Nama Nageshwar Rao & his family members in an ongoing money laundering case against M/s Ranchi Expressway Ltd, Madhucon Projects Limited and its director and promoters.

— ED (@dir_ed) October 17, 2022

రాంచీ ఎక్స్‌ప్రెస్ హైవే పేరిట నామా నాగేశ్వరరావు రుణాలు తీసుకుని దారి మళ్లించారని ఈడీ ఆరోపించింది. సుమారు రూ. 361.92 కోట్లు నేరుగా మళ్లించినట్లు గుర్తించామని ఈడీ అధికారులు వెల్లడించారు.

నామా నాగేశ్వరరావు, నామా సీతయ్య ఆధీనంలో ఆరు డొల్ల కంపెనీలు ఉన్నట్లు ఈడీ పేర్కొంది. ఈ కేసులోనే తాజాగా నామకు చెందిన ఆస్తులను జప్తు చేసింది ఈడీ. రుణాల పేరిట మోసం చేసిన కేసులో గతంలో నామాకు చెందిన రూ. 73.43 కోట్ల విలువైన ఆస్తులను ఈడీ అటాచ్ చేసింది.

English summary

ED attaches trs mp nama nageswara rao properties worth of Rs 8 0.66 crore.