హైదరాబాద్ మెట్రో ప్రయాణీకులకు గుడ్ న్యూస్..!

Updated: Saturday, November 1, 2025, 17:20 [IST]

హైదరాబాద్ మెట్రో ప్రయాణికులకు ఒక ముఖ్య అలర్ట్ జారీ అయింది. మెట్రో రైళ్ల సమయాల్లో మార్పులు చోటుచేసుకున్నాయి. ప్రయాణికుల సౌకర్యాన్ని దృష్టిలో ఉంచుకుని ఎల్‌అండ్‌టీ హైదరాబాద్ మెట్రో రైల్ సంస్థ మెట్రో సేవా సమయాలలో మార్పులు చేపట్టింది. ఈ కొత్త టైమింగ్స్ నవంబర్ 3, 2025 నుంచి అమల్లోకి రానున్నాయి.

కొత్త మెట్రో టైమింగ్స్ వివరాలు..

మెట్రో అధికారులు ప్రకటించిన కొత్త షెడ్యూల్ ప్రకారం, ఇకపై ప్రతిరోజూ ఉదయం 6 గంటల నుంచి రాత్రి 11 గంటల వరకు మెట్రో సేవలు అందుబాటులో ఉంటాయి. అన్ని లైన్లలోని టెర్మినల్ స్టేషన్ల నుంచి లాస్ట్ ట్రైన్ రాత్రి 11 గంటలకు బయలుదేరుతుంది. ఈ కొత్త సమయాలు వారంలోని అన్ని రోజులకు (సోమవారం నుండి ఆదివారం వరకు) వర్తిస్తాయి.

hyderabad-metro-important-update-about-timings-change

అయితే ఇప్పటివరకు వర్కింగ్ డేస్‌లో రాత్రి 11:45కి లాస్ట్ ట్రైన్ బయలుదేరేది, ఆదివారాల్లో ఉదయం 7 గంటలకే మొదటి ట్రైన్ ప్రారంభమయ్యేది. ముందుగా ఉన్న సమయాలు వర్కింగ్ డేస్, వీకెండ్‌ల ప్రకారం వేర్వేరు ఉండేవి. సోమవారం నుంచి శుక్రవారం వరకు చివరి ట్రైన్ రాత్రి 11:45కి బయలుదేరేది. శనివారం & ఆదివారం లలో ఉదయం 7 గంటల నుంచి సేవలు ప్రారంభమయ్యేవి ఇప్పుడు ఈ తేడాలను తొలగించి, ఒకే సమయాన్ని నిర్ణయించారు.

మార్పుల వెనుక ఉద్దేశం..

హైదరాబాద్ మెట్రో సంస్థ ఈ నిర్ణయాన్ని తీసుకోవడానికి పలు కారణాలు ఉన్నాయి.

రాత్రివేళల్లో ప్రయాణికుల సంఖ్య తక్కువగా ఉండటం

రాత్రి ఆపరేషన్ల నిర్వహణకు అధిక వ్యయాలు కావడం

మెయింటెనెన్స్ సమయాన్ని పెంచుకోవడం అవసరమవడం

ఈ కారణాల వల్ల రాత్రి చివరి ట్రైన్ సమయాన్ని 11 గంటలకు కుదించారు.

ప్రయాణికుల భద్రత, సౌకర్యం మరియు సమర్థవంతమైన సేవా నిర్వహణను దృష్టిలో ఉంచుకుని ఈ నిర్ణయం తీసుకున్నామని అధికారులు పేర్కొన్నారు.

ప్రయాణికులకు సూచనలు..

హైదరాబాద్ మెట్రో ప్రయాణికులు తమ ప్రయాణ ప్రణాళికలను కొత్త సమయాలకు అనుగుణంగా రూపొందించుకోవాలని విజ్ఞప్తి చేశారు.

రాత్రి 11 గంటల తర్వాత స్టేషన్లలో రైళ్లు అందుబాటులో ఉండవు.

కాబట్టి రాత్రి వేళల్లో ప్రయాణించే వారు ముందుగానే తమ ట్రిప్‌లను ప్లాన్ చేసుకోవాలి.

మెట్రో స్మార్ట్ కార్డ్ లేదా TSiPass యాప్ ద్వారా టికెట్లు కొనుగోలు చేస్తే సమయం ఆదా అవుతుంది.