హైదరాబాద్‌లో దారుణం: యువతిపై ప్రేమోన్మాది దాడి..

ఎస్ఆర్ నగర్ పోలీస్ స్టేషన్ పరిధిలోని రైతు బజార్ వద్ద ఓ యువతిపై ప్రేమోన్మాది కత్తితో దాడి చేశాడు.

హైదరాబాద్: దేశంలో మహిళలపై దాడులు, లైంగిక వేధింపుల ఘటనలు పెరిగిపోతూనే ఉన్నాయి. నిన్నటికి నిన్న విశాఖపట్నంలో మతిస్థిమితం లేని ఓ యాచకురాలిపై సైతం ఒక యువకుడు అత్యాచారానికి పాల్పడగా.. నేడు ో యువతిపై ప్రేమోన్మాది దాడి చేశాడు.

హైదరాబాద్ లోని ఎస్ఆర్ నగర్ పరిధిలో ఈ ఘటన చోటు చేసుకుంది. ఎస్ఆర్ నగర్ పోలీస్ స్టేషన్ పరిధిలోని రైతు బజార్ వద్ద ఓ యువతిపై ప్రేమోన్మాది కత్తితో దాడి చేశాడు. దాడిలో యువతి తీవ్రంగా గాయపడింది.

రక్తపు మడుగులో పడిపోయిన ఆ యువతిని పోలీసులు ఆసుపత్రికి తరలించారు. ప్రేమ పేరుతో కొద్ది రోజులుగా యువతి వెంటపడుతున్న యువకుడే.. ఆమె పట్ల కక్ష పెంచుకున్నట్టు తెలుస్తోంది. ఈ క్రమంలోనే సోమవారం ఆమెపై దాడి జరిగి ఉంటుందని అనుమానిస్తున్నారు. ఘటనకు సంబంధించి పూర్తి వివరాలు తెలియరావాల్సి ఉంది. '

English summary

A man attacked on woman with knife for rejecting his love proposal, incident took place in SR Nagar, Hyderabad.