నా ఇంటిపై మళ్లీ రాళ్ల దాడి జరిగింది: అసదుద్దీన్ ఒవైసీ

న్యూఢిల్లీ: దేశ రాజధాని ఢిల్లీలోని తన ఇంటిపై మళ్లీ రాళ్ల దాడి జరిగిందని ఎంఐఎం ఎంపీ అసదుద్దీన్ ఒవైసీ తెలిపారు. ఈ మేరకు ఢిల్లీలో మీడియాతో మాట్లాడారు. కొన్నాళ్లుగా ఇలాంటి ఘటనలు జరుగుతున్నాయి. రాళ్ల దాడి ఘటనపై పోలీసులకు ఫిర్యాదు చేసినట్లు తెలిపారు. రాళ్ల దాడి గురించి తనకు భయం లేదని అన్నారు.

అయితే, ఎంపీ ఇంటిపైనే రాళ్ల దాడి జరిగితే సామాన్యుడి సంగతేంటి? ఇలాంటి ఘటన బీజేపీ నేత ఇంటిపై జరిగితే పెద్ద గొడవ అయ్యేదన్నారు. దేశానికి ఇలాంటి పరిస్థితి ఏమాత్రం మంచిది కాదని అసదుద్దీన్ ఒవైసీ అన్నారు.

'ఒకవైపు ముస్లింల ఇళ్లపై బుల్డోజర్ నడుపుతున్నారు, మరోవైపు, ఒక ఎంపీ ఇంటిపై రాళ్లు రువ్వుతున్నారు, నేను నాలుగుసార్లు ఎంపీని, ప్రతి కొన్ని రోజులకు రాళ్లు నా ఇంటిపై విసిరారు. దాని ప్రభావం దేశంపై మంచిది కాదు' అని అన్నారు.

#WATCH | AIMIM President and Member of Parliament, Asaduddin Owaisi has alleged that stones were pelted at his official residence in Delhi pic.twitter.com/bvDw2X30ru

— ANI (@ANI) August 14, 2023

ఢిల్లీలోని అసదుద్దీన్ ఒవైసీ నివాసం వద్ద పగిలిన కిటికీల అద్దాలు పగిలిపోయిన ఘటనకు సంబంధించిన వీడియో సోషల్ మీడియాలో వైరల్ అయ్యాయి. ఈ ఘటనలో ఎవరెవరు పాల్గొన్నారనేది ఇంకా తెలియరాలేదు. ఘటనపై పోలీసులు విచారణ చేపట్టారు.

ఢిల్లీలోని ఏఐఎంఐఎం అధ్యక్షుడు అసదుద్దీన్ ఒవైసీ నివాసం తలుపుల రెండు అద్దాలు పగులగొట్టినట్లు పోలీసులు తెలిపారు. పగిలిన అద్దాల పరిసరాల్లో ఎలాంటి రాయి లేదా మరే ఇతర వస్తువులు కనిపించలేదని సీనియర్ పోలీసు అధికారి ఒకరు తెలిపారు.

పోలీసులు ఆ ప్రాంతాన్ని తనిఖీ చేస్తున్నారని, దర్యాప్తు జరుగుతోందని అధికారి తెలిపారు. అసదుద్దీన్ ఒవైసీ తన నివాసంపై దాడి చేయడం ఇదే మొదటిసారి కాదు. ఫిబ్రవరిలో కూడా అసదుద్దీన్ ఒవైసీ దేశ రాజధానిలోని తన నివాసంపై గుర్తు తెలియని దుండగులు దాడి చేశారని ఆరోపించారు. 2014 తర్వాత ఇటువంటి సంఘటన ఇది నాల్గవదని అసదుద్దీన్ పేర్కొన్నారు.

English summary

My house in delhi was attacked again with stones: mim mp asaduddin owaisi.