పవన్ కుమారుడికి గాయాలు.. సీఎం రేవంత్ ఎమోషనల్ పోస్ట్

ఏపీ డిప్యూటీ సీఎం, జనసేన అధినేత పవన్‌ కల్యాణ్‌ చిన్న కుమారుడు మార్క్ శంకర్ గాయాలపాలయ్యాడు. సింగపూర్‌లోని పాఠశాలలో జరిగిన అగ్ని ప్రమాదంలో 8 ఏళ్ల మార్క్ శంకర్ గాయపడ్డాడు. ఈ ప్రమాదంలో మార్క్ శంకర్ చేతులు, కాళ్లకు గాయాలు కావడంతో పాటు పొగ పీల్చడం వల్ల స్వల్ప అస్వస్థతకు గురయ్యాడు. ప్రస్తుతం సింగపూర్‌లోని ఓ ఆసుపత్రిలో అతనికి చికిత్స అందిస్తున్నారు.

ఈ ఘటనపై పలువురు సెలబ్రిటీలు, రాజకీయ నాయకులు స్పందిస్తున్నారు. మార్క్ శంకర్ త్వరగా కోలుకోవాలని పోస్టులు పెట్టారు. ఈ మేరకు తెలంగాణ సీఎం రేవంత్ రెడ్డి ఈ ఘటనపై స్పందించారు. ఆంధ్రప్రదేశ్ ఉపముఖ్యమంత్రి... శ్రీ కొణిదెల పవన్ కల్యాణ్ కుమారుడు మార్క్ శంకర్... సింగపూర్ లోని పాఠశాలలో జరిగిన ప్రమాదంలో గాయపడటం... దిగ్భ్రాంతికి గురి చేసింది. మార్క్ శంకర్ త్వరగా కోలుకోవాలని ఆకాంక్షిస్తున్నాను. అని ట్వీట్ చేశారు.

ఆంధ్రప్రదేశ్ ఉపముఖ్యమంత్రి…
శ్రీ కొణిదెల పవన్ కల్యాణ్
కుమారుడు మార్క్ శంకర్…
సింగపూర్ లోని పాఠశాలలో
జరిగిన ప్రమాదంలో గాయపడటం…
దిగ్భ్రాంతికి గురి చేసింది.

మార్క్ శంకర్ త్వరగా కోలుకోవాలని
ఆకాంక్షిస్తున్నాను.@PawanKalyan

— Revanth Reddy (@revanth_anumula) April 8, 2025

ఇక పవన్ కళ్యాణ్ ప్రస్తుతం అల్లూరి సీతారామరాజు జిల్లాలో పర్యటిస్తున్నారు. కుమారుడికి ప్రమాదం జరిగిందని తెలియగానే, ఆయన తన పర్యటనను ముగించుకుని సింగపూర్ బయలుదేరనున్నారు.