ఇండియానా పోలిస్ లో సంక్రాంతి సంబరాలు

గ్రేటర్ ఇండియానాపోలిస్ తెలుగు సంఘం (గీత) ఆధ్వర్యంలో సంక్రాంతి సంబరాలు ఘనంగా జరుపుకున్నారు. దీనికి పెద్ద సంఖ్యలో స్థానిక ప్రవాస తెలుగు వారితో పాటు ప్రవాస భారతీయులు కూడా సంబరాలలో పాల్గొన్నారు. పిల్లలు, పెద్దలు మరియు విద్యార్థులు చేసిన సాంస్కృతిక కార్యక్రమాలు అతిదులను అలరించినాయి. ఈ సందర్భంగా గీత ఆధ్యక్షులు శ్రీ అజయ్ పొనుగోటి మాట్లాడుతూ యువత మరియు విద్యార్థులు ఇలాంటి తెలుగు పండగలకు విచ్చేసినందుకు అభినందనలు తెలియ చేసారు.

అలాగే ఈ కార్యక్రమాన్ని విజయవంతముగా నిర్వహించినందుకు కమిటీ సభ్యులకు మరియు దాతలకు కృతజ్ఞతలు తెలియజేశారు. నవ్యవాణి ఎడిటర్ శర్మ గారు కొత్త సంచికను విడుదల చేసినారు. ఈ కార్యక్రమములో బోర్డు చైర్మన్ చంద్రశేఖర్ క్రిష్ణమనేని మరియు ఇతర బోర్డు సభ్యులు పాల్గొని ఇటీవల హైతి భూకంప భాదితులకు విరాళాలను సేకరించారు. ఈ కార్యక్రమాలను వినోద్ సాదు, రాము చింతల మరియు సతీష్ గజ్జల పర్యవేక్షిన్చినారు. ఇతర కమిటీ సభ్యుల సహకారముతో అతిదులకు సంక్రాంతి పండుగ ప్రత్యేక వంటకాలను వడ్డించారు.