డల్లాస్ లో 'తెలుగు వెన్నెల' సదస్సు

డల్లాస్‌: ఉత్తర టెక్సాస్‌ తెలుగుసంఘం (టాంటెక్స్‌) సాహిత్యవేదిక ఆధ్వర్యంలో 'నెలనెలా తెలుగువెన్నెల 33వ సదస్సు ఆదివారం జరిగింది. స్థానిక పన్‌ ఏషియా, రిచర్డ్సన్‌ లో ఏర్పాటుచేసిన ఈ కార్యక్రమానికి డాక్టర్‌ నరసింహారెడ్డి ఉరిమిండి అధ్యక్షత వహించగా డల్లాస్‌ ప్రాంతీయ భాషాభిమానులు వందమందికిపైగా పాల్గొన్నారు.

ముఖ్యఅతిథిగా హాజరైన జొన్నవిత్తుల రామలింగేశ్వరరావు మాట్లాడుతూ తెలుగుభాషను కాపాడుకునేందకు ప్రతిఒక్కరూ కృషిచేయాలన్నారు. దిగజారిపోతున్న తెలుగుభాష, నైతికవిలువలపై ఆంగ్లంలో పద్యం వినిపించి సభికులను ఆకట్టుకున్నారు. డాక్టర్‌ రమణ జవ్వాడి పద్యపఠనంతో సభ ప్రారంభంకాగా, డాక్టర్‌ ఉరిమిండి, విజయచంద్రహాస్‌ ముఖ్యఅతిథిని సభకు పరిచయం చేశారు.