చంద్రబాబు పోరాటానికి అమెరికాలో మద్దతు

న్యూజెర్సీ: బాబ్లీ ప్రాజెక్టు నిర్మాణాన్ని ఆపాలని డిమాండ్‌ చేస్తూ ఉద్యమం చేస్తున్న తెదేపా అధ్యక్షులు చంద్రబాబుకు అమెరికాలోని న్యూజెర్సీ తెదేపా అభిమానులు తమ మద్దతు తెలియజేశారు. ఆంధ్రప్రదేశ్‌ రాష్ట్ర ప్రభుత్వం వెంటనే కేంద్రంతో మాట్లాడి బచావత్‌ వాటర్‌ ట్రిబ్యునల్‌ ప్రకారం ఆంధ్రాకు రావాల్సిన నీటి వాటాను ఇచ్చేలా చూడాలని వారు డిమాండ్‌ చేశారు.

జితేంద్ర అట్లూరి, వెంకట్‌ గరికిపాటిలు మాట్లాడుతూ బాబ్లీ విషయంలో అన్ని పార్టీలు తెదేపా కలిసి పోరాడాలని విజ్ఞప్తి చేశారు. చవాన్‌ ప్రభుత్వం తెదేపా నేతల పట్ల ప్రవర్తించిన తీరు తెలుగు వారి ఆత్మగౌరవాన్ని దెబ్బతీసేలా ఉందని అన్నారు. ఈ కార్యక్రమంలో గోపాల్‌ వేమూరి, రామ్‌ కొమ్మినేని, కృష్ణ ఇంటూరి, రమణ, రాధా కృష్ణా, భూషణ్‌, చందూ, రామ్‌ ప్రసాద్‌, రవి పోట్లూరి, రాజా గొంటి, మధు రెడ్డి, వైవీ ప్రసాద్‌, సందీప్‌ రాజు, పవన్‌, బాలా టి.శ్రీనివాస్‌ మురళి, అనిల్‌ తదితరులు పాల్గొన్నారు.