డల్లాస్‌లో భారత స్వాతంత్ర్య దినోత్సవ వేడుకలు

అమెరికాలోని డల్లాస్‌లో గల భారతీయులు భారత స్వాతంత్ర్య వేడుకలను ఘనంగా నిర్వహించుకున్నారు. ఇండియన్ ఆసోసియేషన్ ఆఫ్ నార్త్ టెక్సాస్ (ఐఎఎన్‌టి) ఆధ్వర్యంలో ఈ వేడుకలు జరిగాయి. ఐఎఎన్‌టి ప్రెసిడెంట్ ఎలెక్ట్ డాక్టర్ శ్రీధర్ రెడ్డి కోర్సపాటి ఈ కార్యక్రమానికి అధ్యక్షత వహించారు. సంస్థ టర్స్టీ బోర్డు మెంబర్ షబ్నం మొద్గిల్ ఈ కార్యక్రమంలో ప్రధాన పాత్ర పోషించారు. శనివారంనాడు సాయంత్రం గ్రాండ్ ప్రెయరారేలోని లోన్ స్టార్ పార్కులో దాదాపు 18,000 మంది ఈ వేడుకల కోసం వచ్చారు.

ఇంత పెద్దయెత్తున కార్యక్రమాన్ని ఏర్పాటు చేసినందుకు ఐఎఎన్‌టి అధ్యక్షుడు జాక్ గోద్వానీ అభినందించారు. భారత, అమెరికా జాతీయ గీతాలాపనలతో కార్యక్రమం ప్రారంభమైంది. ఇరు దేశాల జాతీయ పతాకలను ఎగురవేశారు. చీఫ్ మార్షల్స్ రాజ్‌పాల్ యాదవ్, సురేష్ శర్మ, జిమ్ స్వాఫోర్డ్ ఆధ్వర్యంలో పరేడ్ జరిగింది. రాజ్‌పాల్ యాదవ్, ఆవేజ్ దర్బార్, రూపాలి, అపూర్వ వంటివారు వినోదాత్మక కార్యక్రమాలు ఇచ్చారు. పిల్లల కోసం ఆటలు, చిత్రకళ వంటి కార్యక్రమాలు జరిగాయి.

English summary

The official program was kicked off with the National Anthems of both India and United States. Immediately followed is the National parade with Indian and USA flags along with the Chief Marshals Rajpal Yadav, Mr. Suresh Sharma, Vice Consular (Houston) and Mr. Jim Swafford, Mayor Pro Tem of Grand Prairie, TX and the marching band.