సవిత మృతి: ఐర్లాండ్‌లో చట్ట సవరణ

లండన్: అబార్షన్ చేయకపోవడంతో భారత్‌కు చెందిన సవిత అనే మహిళ మృతి చెందడం, ఇంటా, బయటా విమర్శలు వెల్లువెత్తిన నేపథ్యంలో ఐర్లాండ్ ప్రభుత్వం అబార్షన్ పైన దిగొచ్చింది. ఐర్లాండులో గర్భస్రావం చట్టాన్ని సవరిస్తున్నట్లు మంగళవారం ప్రభుత్వం ప్రకటించింది. ఈ చట్టానికి ప్రభుత్వం ఆమోదం తెలిపింది. తల్లికి ప్రమాదకర పరిస్థితి ఏర్పడితే గర్భస్రావం చేయవచ్చుననే సవరణకు అక్కడి గవర్నమెంట్ ఆమోద ముద్ర వేసింది.

కాగా అబార్షన్‌కు వైద్యులు నిరాకరించడంతో ఐర్లాండులో భారతదేశానికి చెందిన సవిత హలప్పన్ అనే మహిళ మృత్యువాత పడిన విషయం తెలిసిందే. రక్తం విషం ఎక్కి ఆమె మరణించింది. కాథలిక్ దేశం కాబట్టి తాము అబార్షన్ చేయబోమని వైద్యులు చెప్పారు. దీంతో ఆమె మరణించింది. మృత్యువాత పడిన 31 ఏళ్ల భారత మహిళ డెంటిస్టు. ఆ మహిళ సవితా మృతిపై ఐరిష్ అధికారవర్గాలు విచారణకు ఆదేశించాయి.

ఆమె 17 వారాల గర్భవతి. ఆమె మిస్ క్యారేజీతో బాధపడుతోంది. సెప్టికేమియాతో కూడా బాధపడుతోంది. గాల్వేలోని బోస్టన్ సైంటిఫిక్ ఇంజనీర్ అయిన ఆమె భర్త ప్రవీణ్ హలపనవార్ - అబార్షన్ చేయాలని మూడు రోజులుగా ఎన్నో సార్లు విజ్ఞప్తి చేశాని చెప్పారు. ఓ రోజు సవిత భరించలేనంత నొప్పితో బాధపడిందని, దాంతో అబార్షన్ కోసం అడిగామని చెప్పారు. గర్భస్థ శిశువు గుండె కొట్టుకుంటోందని, ఇది కాథలిక్ దేశం కాబట్టి మనిషి చంపే అబార్షన్ చేయబోమని వైద్యులు చెప్పారని ఆయన వివరించారు.
మృతశిశువును తర్వాత బయటకు తీశారు. సవితను హై డిపెండన్సీ యూనిట్‌కు, ఆ తర్వాత ఇంటెన్సివ్ కేర్ యూనిట్‌కు తరలించారు. అయితే, ఆమె అక్టోబర్ 28వ తేదీన యూనివర్శిటీ ఆస్పత్రి గాల్వేలో సెప్టికేమియాతో మరణించింది. ఐర్లాండ్‌లో అబార్షన్ చట్ట విరుద్దం. అయితే, సవిత మృతిపై దర్యాప్తు సాగుతోంది. తాను ఐరిష్‌ను గానీ కాథలిక్‌ను గానీ కానని కర్ణాటకకు చెందిన సవిత మరణించే ముందు అన్నారు.

English summary

Protests over the horrible death of a Karnataka-born dentist from pregnancy-related complications has forced deeply-Catholic Ireland to tweak its no-abortion policy to allow for termination of pregnancy in cases where the mother's life was in danger.