ఎన్నారైల రిపబ్లిక్ డే టాక్

By Pratap

Published: Thursday, January 26, 2012, 10:46 [IST]

భారత గణ తంత్ర దినోత్సవం సందర్భంగా ఈ నెల 27వ తేదీన ఎన్నారైలకు చెందిన తెలంగాణ సాంస్కృతిక సంఘం బే ఏరియాలో వాట్ వైజ్ లీడర్స్ ఫాలో అనే అంశంపై ప్రసంగాన్ని ఏర్పాటు చేసింది. ఈ అంశంపై కేపా గ్రూప్‌ సిఇవో కోచ్, సలహాదారు ప్రసాద్ కైపా ప్రసంగిస్తారు. సంస్థలను స్థాపించి నడిపించుకోదలచినవారికి ఈ ప్రసంగం ఉపయోగకరంగా ఉంటుంది. బే ఏరియాలోని భారత సమూహాలకు ఉపయోగపడుతుందనే ఉద్దేశంతో దీన్ని ఏర్పాటు చేశారు. కైపా ఐటి కమ్యూనిటీతో సంబంధాలు నెరుపుతున్నారు. దీంతో ఎన్నారైలకు ఆయన ప్రసంగం పాఠాలు నేర్పుతుందని భావిస్తున్నారు.

కైపా ప్రసంగం ఈ నెల 27వ తేదీ సాయంత్ర ఏడున్నర గంటల నుంచి తొమ్మిదిన్నర గంటల వరకు ఉంటుంది. ఓల్డ్ ఫ్రాన్సిస్కో రోడ్ సన్నివాలేలోని అతిథి ఇండియన్ రెస్టారెంట్‌లో ఈ కార్యక్రమాన్ని ఏర్పాటు చేశారు. కైపా ప్రసంగం తర్వాత వివిధ సాంస్కృతిక కార్యక్రమాలు ఉంటాయి.

Published On January 26, 2012