టీ కానిస్టేబుల్‌కు ఎన్నారై గిఫ్ట్

సిద్ధిపేట: మెదక్ జిల్లా సిద్దిపేట ఆస్పత్రిలో చికిత్స పొందుతున్న కానిస్టేబుల్ శ్రీనివాస్, శ్రీశైలంలను లండన్‌లోని తెలంగాణ ఎన్నారై ఫోరం వ్యవస్థాపక సభ్యుడు గంప వేణుగోపాల్ పరామర్శించి తమ వంతు సహాయం గా 5000 రూపాయలు ఆర్ధిక సహాయం చేసినారు. గంప వేణుగోపాల్ కానిస్టేబుల్‌ను మంగళవారంనాడు పరామర్శించారు.

ఈ సందర్బంగా గంప వేణు గోపాల్ మాట్లాడుతూ - ఇది యావత్ తెలంగాణ మీద, పొలీసు శాఖా మీద దాడిగా పరిగణించాలని అన్నారు. ఎన్నెన్నో కష్ట,నష్టాలను ఎదుర్కొని తెలంగాణ సాధించే దిశగా పయనిస్తున్నామని, ఇకపై కలిసి ఉండడం కల్ల అని పేర్కొన్నారు.

తెలంగాణా ఇండియా కో ఆర్డినేటర్లు నర్సింలు, ప్రవీణ్, తులసి కూడా వచ్చారు. లండన్ వీడియో కాల్ ద్వారా అనిల్ కూర్మాచలం, అశోక్ దూసర కూడా మాట్లాడి శ్రీనివాస్, శ్రీశైలంలకు ధైర్యం చెప్పి ప్రశంసించారు.

ఎపిఎన్జీవోల సభలో తెలంగాణ నినాదాలు చేసిన శ్రీనివాస్‌పై హైదరాబాదులోని ఎల్బీ స్టేడియంలో శనివారం దాడి జరిగిన విషయం తెలిసిందే. శ్రీనివాస్‌పై దాడిని అడ్డుకోబోయిన శ్రీశైలం కూడా గాయపడ్డాడు.

English summary

Telangana NRI forum founder Gampa Venugopal visited injured constable Srinivas and Srisailam at Siddipet hospital.