మహిళపై అత్యాచారం, హాస్టల్లోకి అగంతకుడు

By Srinivas

Published: Wednesday, February 8, 2012, 15:21 [IST]

గుంటూరు: జిల్లాలో బుధవారం దారుణం జరిగింది. ఓ వివాహితపై గుర్తు తెలియని వ్యక్తులు సామూహిక అత్యాచారం చేశారు. గుంటూరు జిల్లాలోని తాడేపల్లి మండలంలోని ఉండవల్లిలో ఈ విషాదం చోటు చేసుకుంది. ఉదయం రోడ్డుపై ఓ మహిళ బట్టలు చిరిగి, తీవ్ర గాయాలతో ఉండటాన్ని స్థానికులు గమనించారు. వెంటనే ఆమెను విజయవాడ ఆసుపత్రికి తరలించారు. ఉదయాన్నే మహిళ అరుపులు వినిపించినట్లుగా స్థానికులు చెబుతున్నారు. ఆమె బట్టలు చిరిగి పోయి ఉండటం, ఒళ్లంతా గాయాలు కావడంతో ఆమెపై దుండగులు ఎవరో సామూహిక అత్యాచారానికి పాల్పడి ఉంటారని చెబుతున్నారు. ప్రస్తుతం ఆమె స్పృహలో లేదు. ఆమెకు స్పృహ వచ్చిన తర్వాత ఏం జరిగిందో తెలుస్తుంది. ఆమెకు సంబంధించిన వివరాలు కూడా ఇంకా తెలియరాలేదు. పోలీసులు కేసు నమోదు చేసుకున్నారు.

మరోవైపు జిల్లాలోని తెనాలి ఓ మహిళా హాస్టల్లోకి ఓ అగంతకుడు చొచ్చుకు వచ్చాడు. హాస్టల్లోకి చొచ్చుకు వచ్చిన అతను ముగ్గురు యువతులను తీవ్రంగా గాయపర్చాడు. అతను అక్కడి నుండి పారిపోయాడు. అతను దొంగతనానికి వచ్చినట్లుగా అనుమానిస్తున్నారు. అగంతకుడు వచ్చి గాయపర్చడంతో విద్యార్థునులు తీవ్ర భయాందోళనలో ఉన్నారు.

Published On February 8, 2012