అత్యాచార యత్నం, దగ్ధం: పోరాడిన బాలిక మృతి

ఖమ్మం: ఖమ్మం జిల్లా గార్లమండలం తిర్లాపురం తండాలో ఓ వ్యక్తి బాలికపై అత్యాచార యత్నానికి పాల్పడి ఆమె ప్రతిఘటించటంతో కిరోసిన్‌ పోసి నిప్పంటించాడు. ఈ ఘటనలో అమ్మాయి చికిత్స పొందుతూ సోమవారం ఖమ్మం ప్రభుత్వ ఆస్పత్రిలో మృతిచెందింది. 70 నుంచి 80 శాతం కాలిన గాయాలతో ఆ చిన్నారి 10 రోజుల పాటు మృత్యవుతో పొరాడింది. ఆమెను రక్షించేందుకు వైద్యులు చేసిన ప్రయత్నాలు సఫలం కాలేదు.

బాధితురాలు భూక్యా కిరణ్మయి(14) ఖమ్మం ప్రభుత్వాసుపత్రిలో 11 రోజులుగా చికిత్స పొందుతూ ఉంది. సోమవారం ఆమెను మృత్యువు కబళించింది. ఈ నెల 18న గార్ల మండలం తిర్లాపురం కొత్తతండాలో భూక్యా కిరణ్మయిని అదే గ్రామానికి చెందిన లావుడ్యా బాబురావు (19) ఇంట్లో ఎవరూ లేని సమయంలో అత్యా చారం చేయడానికి విశ్వ ప్రయత్నం చేయగా తీవ్రంగా ప్రతిఘటించిన చిన్నారిపై కిరోసిన్‌ పోసి నిప్పంటించిన సంఘటన జరిగింది.

నాటి నుండి బాలిక ఖమ్మం ప్రభుత్వ ఆసుపత్రిలో మృత్యువుతో పోరాడుతూ తుది శ్వాస విడిచింది. దీంతో గ్రామంలో మృత్యురాలి బందువుల రోదనలతో పలువురిని కంట తడి పెట్టించాయి.

కూలీ పనులు చేసుకుంటూ ఖమ్మంలో తన కూతురిని చది విస్తున్నానని వీరన్న, భార్య శారద బోరున విలపించారు.స్థానికంగా బాలిక మరణం తీవ్ర విషాద ఛాయలు నెలకొన్నాయి.

English summary

A girl sexually attacked 15 days ago has dead in Khammam district hospital.