యువతిని ఎత్తుకెళ్లి గ్యాంగ్ రేప్, పడుకున్న బాలికపై...

By Srinivas

Published: Thursday, January 2, 2014, 9:18 [IST]

ఫరీదాబాద్/రాజమండ్రి: ఢిల్లీకి చెందిన ఓ యువతి పైన హర్యానాలోని ఫరీదాబాదులో సామూహిక అత్యాచారం జరిగింది. యువతి తన స్నేహితుల కోసం వేచి చూస్తూ బస్టాండులో ఉన్నప్పుడు కొద్దిమంది యువకులు ఆమెను ఓ వ్యానులో నిర్జన ప్రదేశంలోకి తీసుకు వెళ్లి అత్యాచారం చేశారు. ఏడుగురు నిందితులను అరెస్టు చేశామని, మరో నిందితుడి కోసం గాలిస్తున్నామని పోలీసులు బుధవారం చెప్పారు.

రాజమండ్రిలో..

తూర్పు గోదావరి జిల్లాలో ఆరేళ్ల చిన్నారి పైన ఓ కామాంధుడు అత్యాచారం చేసిన ఘటన వెలుగు చూసింది. త్రీటౌన్ పోలీసు స్టేషన్ పరిధఇలో నివసిస్తున్న బాధిత బాలిక కుటుంబం నూతన సంవత్సరవ వేడుకల్లో భాగంగా డిసెంబర్ 31వ తేదీ రాత్రి బయటకు వెళ్లారు. ఆ సమయంలో తమ ముగ్గురు పిల్లలను ఇంట్లో పడుకోబెట్టారు.

ఆ ఇంటి ఎదురుగా ఉన్న ఖాళీ ప్రదేశంలో ముగ్గురు యువకులు మద్యం సేవించారు. అనంతరం ఎవరింటికి వారు వెళ్లారు. వారిలో వల్లీ అనే యువకుడు చిన్నారులు ఒంటరిగా ఉన్న ఇంట్లోకి వెళ్లి బాలికపై అఘాయిత్యానికి పాల్పడ్డాడు. బాలిక తల్లి ఇంట్లో దృశ్యం చూసి స్థానికులకు విషయాన్ని చెప్పింది.

మంగళవారం అర్ధరాత్రి పోలీసులకు ఫిర్యాదు చేసేందుకు స్టేషన్‌కు వెళ్లనా పోలీసులు బందోబస్తు హడావుడిలో ఉండటంతో సాధ్యం కాలేదు. బుధవారం పోలీసులు ఫిర్యాదు స్వీకరించారు.

Published On January 2, 2014