యువతిపై ముగ్గురు యువకుల గ్యాంగ్ రేప్

వరంగల్: యువతిపై ముగ్గురు వ్యక్తులు సామూహిక అత్యాచారం చేశారు. ఈ సంఘటన వరంగల్ జిల్లా రఘునాథపల్లి మండలం నిడిగొండ రైల్వే ప్లై ఓవర్ బ్రిడ్జి సమీపంలో సోమవారం రాత్రి జరిగింది. పోలీసుల కథనం ప్రకారం రాయపర్తి మండలం పెరుగేడు గ్రామ శివారు గణేష్‌నగర్‌కు చెందిన సుమారు 19 ఏళ్ల యువతి, జఫర్‌గడ్ మండలం ఓబులాపురం గ్రామానికి చెందిన మరో యువతి కలిసి నల్గొండ జిల్లా భువనగిరి వెళ్లడానికి హన్మకొండలో ఆటోను ఆశ్రయించారు.

వీరిద్దరు భువనగిరిలో వివిధ కంపెనీలకు చెందిన గృహోపకరణాలను విక్రయిస్తుంటారు. హన్మకొండలో వీరిద్దరు ఆటో ఎక్కగా అప్పటికే ఆటోలో ఇద్దరు యువకులు ఉన్నారు. హన్మకొండ నుండి స్టేషన్‌ఘనపూర్‌కు చేరుకోగానే ఆటోలో ఉన్న వ్యక్తులు మద్యం సీసాలు కొనుగోలు చేసి పెట్రోల్‌బంక్‌లో డీజిల్ పోసుకొని జనగామ వైపు బయల్దేరారు.

రఘునాథపల్లి దాటిన తర్వాత నిడిగొండ బ్రిడ్జి సమీపంలోకి ఆటో చేరుకోగానే ప్రధాన రహదారి నుండి బ్రిడ్జి పక్కన గల రోడ్డు వైపు ఆటోను దారి మళ్లించారు. ఆటోను ఎందుకు దారి మళ్లిస్తున్నారని ఇద్దరు యువతులు ప్రశ్నిస్తుండగానే ఆటోలో ఉన్న ఇద్దరు యువతుల్లో ఒకరిని ఇద్దరు యువకులు బలవంతంగా పక్కకు తీసుకెళ్లారు. ఆటోలో ఉన్న మరో యువతికి ఆటో డ్రైవర్‌ను కాపలాగా ఉంచారు. పక్కకు తీసుకెళ్లిన యువతిపై అత్యాచారం చేశారు.

తరువాత ఆటోడ్రైవర్ అత్యాచారం చేశాడు. రాత్రి 10గంటల నుండి మంగళవారం తెల్లవారుజామున మూడుగంటల వరకు అత్యాచారం చేశారని బాధితురాలు ఫిర్యాదులో పేర్కొంది. గత్యంతరం లేక అదే ఆటోలోనే జనగామకు వెళ్లామని, జనగామలో ఆటోను ఆపమని డ్రైవర్‌ను కోరగా ఆపకుండా వెళ్తుండడంతో ఆటోలో నుండి దూకానని రెండు చేతులకు గాయాలు అయ్యాయని చెప్పింది. తమని జనగామలోనే దింపేసి ముగ్గురు యువకులు ఆటోలో పరారయ్యారని బాధితురాలు తెలిపింది. నిందితుల్లో ఒకడి పేరు శివ అని తెలిసింది. జనగామలో 100కు ఫోన్ చేయగా జరిగిన విషయాన్ని తెలుసుకున్న పోలీసులు జనగామ ఏరియా ఆసుపత్రికి తరలించారు.

English summary

a woman has been raped in Warangal district by three youths.