• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

టి. లలితా ప్రసాద్ కవితలు

By Pratap
|

A poem by Lalitha Prasad

పిలువు

వెనక్కి తిరిగి చూస్తుంది

వెక్కిరిస్తుంది

కొన్ని పదాల పిట్టలు, కొన్ని పంక్తుల దొంతర్లూ

తలుపు తట్టిన ప్రతిసారీ

ఎవరి నిశీధ గీతమో, ఎవరెవరి ఆలాపనో

కలల వంతెన మీదికి పిలిచి

బాల్యం అలల సవ్వడి వినమంటుంది!

ఎవరు పిలిచారో

నది వెనక్కి తిరిగి చూస్తుంది!

కన్ఫెషన్

ఇలా అవుతందనుకోలేదు

ఎలా అయ్యేదో తెలీదు

ఇంత దూరం వచ్చాక

తప్పే దారి అడగటం!

వెను దిరిగి చూస్తే

వెంటాడే స్నేహితుడ్ని నేనే

ప్రయాణం అంతర్ముఖం!

హాయిగా నవ్వుకుంటున్నా

నన్ను చూస్తూ నేను!

నీటి సేవ

నీటికి కోపం వస్తుంది

చన్నీటికి విసుగొస్తుంది

ఇసుక మీగడ కబళించేస్తుంటే

కదం తొక్కదా నీటి సేన!

మనిషి ఆగ్రహం క్షణికం

తరాల ఆనవాలు

చన్నీటి సేన ఆగ్రహం!

నిజమే

ఏ కలయికా వదలదు

ఏ సంఘటనా విడవదు

యాత్రలో కటువుగా, మెల్లగా

వొడిలోకి లాక్కుంటాయి, వదలనంటాయి

భ్రమ చిత్రం రంగులు వెలిసిపోతాయి

కొన్ని వూసులు, కొన్ని చిత్రాలే

ఇంకుతాయి మనసులోకి!

గాటు

నీటికి వస్తుంది

తీరని కోర్కెలా మరణం

ఆనందపు తెర చాటుతుంది

యుగాల సహనం భరించి

చేర్చుకుంటుంది అనంత ప్రేమతో

ఈ బంధాలు, బాధలూ, బాల్యం...?

లెక్కలేసుకునే చిట్టా కాదు జీవితం!

సొట్యూషన్

తెరలు కట్టుకుని వున్నాం

పేర్లూ, మాటలతో

మాటల కత్తితో విభజించుకుంటున్నాం

చట్రంలోంచి బయటపడాలనే యత్నం

వాళ్లు, వీళ్లూ, ఆనవాళ్లూ, అభిప్రాయాలూ

నీకూ, నాకూ మధ్య ... అన్నీ అంతా!

మరణ నివాసానికి దారి తీస్తాయి!

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
T Lalitha Prasad as a poet expresses sensitive feelings. And he expresses the nature's importance in world.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more