• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వర్షం పడ్డ సాయంత్రం

By Pratap
|
Lalitha Prasad
అటుగా పోతున్న నీడలు రంగుల ఛాయలేవో మబ్బుచాటుగా హరివిల్లు నిచ్చెన వేస్తాయి. మనసు అటుగా వెళుతుందా... ఆ రంగులన్నీ ఆనందడోలికల్లో ముంచెత్తుతాయేగాని ఊసులాడవు, పెదవి విప్పవు.

ఒక్కసారి నల్ల మబ్బు నీటి బరువుతో నేలమీదకి వొంగి పలకరించే సమయంలో కాలిబాటలో ఇల్లు చేరాలన్న యత్నం నాది. క్రమేపీ వెలుగును మింగేస్తూ మేఘాలన్నీ వూసులాడుతూ దిగుతూంటాయి! చడీ చప్పుడూ లేని దారంట దూరంగా వర్షం హోరు క్రమేపీ దగ్గరకొస్తూంది. నేనలా వెళుతూ, ఆ మబ్బు మాటలు వినాలన్న ధ్యాసలో ఇంటిదారి తప్పిస్తాయి.

చీకటి తెరలాక్కుంటూ నేలమీది ప్రతి చెట్టూ చేమా ఇట్టూ వాకిలి. కాస్తంత గాలి తెరల స్నేహం చేసుకుని జల్లు చుట్ట్టేసింది. ఆ ఆనందమే వేరు. లోకంలో ఒక్కడినే వున్నాన్న భావన. కుట్రలు, కుతంత్రాలు, గాయాలు, బాధలు, హేళనల, సమస్తం ఎటుపోయాయో!

ఎవరో పిల్లాడు.. అలా మట్టిలో ఆడుతూనే వున్నాడు. ఆకాశం ఉరిమి వాడిని అమాంతం భయపెట్టింది. ఆకాశం చీలేలా ఒక్కసారి గొంతు చించుకున్నాడు తన పొరపాటు తెలుసుకుని జల్లు కాస్తా జడివానై పిల్లాడి వొళ్లంతా తడిపి చక్కిలిగిలి పెట్టి తన వైపు చూసేలా చేసింది! ఎంత స్నేహం, ఎంత అభిమానం!

వాళ్లిద్దరూ ఏం మాట్లాడుకుంటున్నారో తెలీదు. పిల్లాడు మాత్రం సంతోషంతో చేతులు ఆడిస్తున్నాడు. పైకి చూస్తున్నాడు. కేరింతలు కొడుతున్నాడు. చాలా సేపటికి వాళ్లమ్మ పరుగు పరుగున వచ్చింది. కొంగు తలపై కప్పుకుని. కానీ పిల్లాడికి తాను తడుస్తున్నానన్నదానికంటే ఆడుకుంటున్నానన్న ఆనందమే ముంచెత్తింది. కానీ తల్లి ఆమాంతం వాడిని ఎత్తుకుని అనాదిగా దూరమైనంత బాధను కన్నీళ్లతో చెబుతూ బురదను వాననీటితో తుడిచి ముద్దాడి తీసికెళ్లింది!

క్షణం తర్వాత నేను దారి మర్చిన సంగతి గుర్తొచ్చి వెనుతిరిగాను. నన్ను వెంటాడుతూ ఈదురుగాలితో వర్షం..!!

- టి. లలితాప్రసాద్

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
T Lalitha Prasad, a prominent poet in Telugu literature, in his rainy day points out the contradictions.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more