Jaspreet Bumrah:జస్ప్రీత్ బుమ్రా-సంజనా గణేషన్ : ఈ దంపతుల ఆదాయం ఎంతో తెలుసా..?
Jaspreet Bumrah and Sanjana Ganeshan net worth:భారత క్రికెట్ జట్టులో భార్యాభర్తలుగా మంచి పేరు సంపాదించి, అభిమానుల ఆదరణ పొందిన వారిలో జస్ప్రీత్ బుమ్రా, సంజనా గణేషన్ జంట ఒకటి. ప్రస్తుతం ఇంగ్లాండ్ పర్యటనలో ఉన్న ఈ జంటకు అభిమానులు ఎంతో మంది ఉన్నారు.సంజనా గణేషన్ ఐసీసీ ఈవెంట్లలో యాంకర్గా పనిచేస్తుండగా, బుమ్రా భారత జట్టుకు ప్రాతినిధ్యం వహిస్తున్నాడు. ఇద్దరూ క్రికెట్తో ముడిపడి ఉండటంతో వారి సంపాదన, నికర విలువ గురించి తెలుసుకోవాలనే ఆసక్తి అభిమానుల్లో ఉంది.
జస్ప్రీత్ బుమ్రా నికర విలువ
బుమ్రా సంపాదనలో ఎక్కువ భాగం అంతర్జాతీయ క్రికెట్, ప్రకటనలు, ఐపీఎల్ ద్వారా వస్తుంది. ఐపీఎల్లో ముంబై ఇండియన్స్ తరఫున ఆడే బుమ్రా, బీసీసీఐ వార్షిక కాంట్రాక్టులో టాప్ గ్రేడ్లో ఉన్నాడు. అన్ని ఫార్మాట్లలో ఆడుతూ మ్యాచ్ ఫీజులు కూడా అందుకుంటాడు. ముంబై ఇండియన్స్ అతడిని 18 కోట్లకు కొనుగోలు చేసింది. బీసీసీఐ వార్షిక కాంట్రాక్టు ద్వారా ఏటా 7 కోట్ల రూపాయలు సంపాదిస్తాడు. బ్రాండ్ ప్రమోషన్ల ద్వారా వచ్చే ఆదాయం అదనం. మొత్తంగా జస్ప్రీత్ బుమ్రా నికర విలువ 60 కోట్లకు పైగా ఉంటుందని అంచనా.
సంజనా గణేషన్ నికర విలువ
సంజనా గణేషన్ టీవీ హోస్టింగ్ ద్వారా సంపాదిస్తుంది. ఐసీసీ ఈవెంట్లలో హోస్ట్గా వ్యవహరిస్తూ ఆమె రెండు చేతులా సంపాదిస్తోంది. ఐసీసీ టీ20 వరల్డ్ కప్ వంటి పెద్ద స్పోర్ట్స్ ఈవెంట్స్లో హోస్ట్గా వ్యవహరిస్తూ సంజన ప్రతి టీవీ షోకు ₹20-40 లక్షల వరకు సంపాదిస్తోంది. దీని ద్వారా ఆమె నికర విలువ కూడా వేగంగా పెరుగుతోంది. ఆమె నికర విలువ 8 నుండి 10 కోట్ల మధ్య ఉంటుందని అంచనా. ఆమెకు ఇతర ఆదాయ వనరులు లేవు.
భార్యాభర్తల ఉమ్మడి నికర విలువ
బుమ్రా, గణేషన్ ఇద్దరి కలిపి నికర విలువ దాదాపు 70 కోట్ల రూపాయల వరకు ఉంటుందని అంచనా. ఈ జంట సంతోషంగా ఒకరితో ఒకరు కలిసి ఉంటున్నారు.జస్ప్రీత్ బుమ్రా, సంజనా గణేషన్ ఇద్దరూ తమ రంగాల్లో రాణిస్తూ విజయవంతమైన జీవితాన్ని గడుపుతున్నారు.
Click it and Unblock the Notifications
Sign in with Google