సోనాలి జోషి చీకటి రాత్రి
భారీ అంచనాలు, ఉత్కంఠ మధ్య ఇద్దరు అగ్ర హీరోల భారీ చిత్రాలు గురువారం(11.01.2001) విడుదలయ్యాయి. చిరు చిత్రం అనగానే పండుగ వాతావారణం నెలకొనడం సహజమే కదా. ప్రధాన థియేటర్ సంధ్య 35ఎం.ఎం.తో పాటు రాష్ట్రంలో మృగరాజు చిత్రం విడుదలైన అన్ని కేంద్రాల్లో అభిమానుల సందడే సందడి. సమరసింహరెడ్డి తర్వాత బి.గోపాల్ కాంబినేషన్ లో వచ్చిన బాలకృష్ణ చిత్రం నరసింహనాయుడు. ఈ చిత్రం విడుదలైన అన్ని కేంద్రాల్లోనూ ప్రేక్షకుల సందోహమే. సినిమా థియేటర్ల వద్ద గురువారం అంతా కోలాహాలమే. సినిమాకు వచ్చిన ప్రేక్షకులు, టికెట్లు దొరకని ప్రేక్షకులు, అడ్వాన్స్ బుకింగ్ కోసం కౌంటర్ల వద్ద క్యూలో నిల్చున్న వారితో అన్ని థియేటర్లు కళకళలాడుతున్నాయి. అయితే ఈ రెండు చిత్రాల ఫలితాలు ఏమిటో తెలుసుకునేందుకు ఇండియా ఇన్ఫో ప్రయత్నించింది. విజయవాడ, విశాఖ పట్నం, హైదరాబాద్ లలోని డిస్ట్రిబ్యూటర్లతో, థియేటర్ల యజమానులతో పరిశీలకులతో మాట్లాడి...ఈ రెండు చిత్రాల అందిస్తున్నాం.
మృగరాజు:
ఆంధ్రాలో ఈ చిత్రం నిరాశపరుస్తుందని అంటున్నారు. చిరంజీవి రేంజ్ ప్రకారం ఇది బిలో యావరేజని విజయవాడకు చెందిన ఓ థియేటర్ యజమాని తెలిపారు. నైజాంలో యావరేజ్ అని రిపోర్ట్. అయితే ఓ వారం ఆగితే గానీ పూర్తి రిజల్ట్ తెలియదు. చిరంజీవి చిత్రాలు అనూహ్యంగా పుంజుకున్న దాఖలాలు ఎన్నో ఉన్నాయి.
నరసింహనాయుడు:
ఆంధ్రాలో ఈ సినిమా సూపర్ హిట్ అవుతుందని చెపుతున్నారు. మినిమం 25 వారాలు ఆడుతుందని అంటున్నారు. పాటలు ఈ సినిమాకు ప్లస్ పాయింట్ అని విమర్శకులు అభిప్రాయం.
డిస్ట్రిబ్యూటర్ల ఆఫీస్ ల్లో ఐటి దాడులు?

గత సంచికలో