• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

'స్టార్ నైట్' ఒక ఆకర్షణ

By Santaram
|

Dasari Narayana Rao
హైదరాబాద్: వరద బాధితుల కోసం నిర్వహిస్తున్న "స్టార్ నైట్" ఈ సంవత్సరంలోనే ఒక పెద్ద ఈవెంట్ కానుంది. బిగ్ బి అమితాబ్ బచ్చన్ వంటి వారు రానున్నారు. తెలుగు సినిమా పరిశ్రమలో అనైక్యత లేదని చాటి చెప్పడానికి దీనిని ఉపయోగించుకోవాలని దాసరి నారాయణ రావు వంటి సినీ దిగ్గజాలు యోచిస్తున్నారు. నవంబర్ ఏడో తేదీన టీవీ చానళ్ళు పూర్తిగా ఈ ఈవెంట్ కే పరిమితం కానున్నాయి.

రాష్టాన్ని ఇటీవల అతలాకుతలం చేసిన వరదల్లో బాధితులైన వారిని ఆదుకునేందుకు తెలుగు చిత్ర పరిశ్రమ ఏకతాటిపై నిలిచి నవంబర్ 7న నిర్వహించనున్న ఈ 'స్టార్ నైట్'కు గచ్చీబౌలీ స్టేడియం ఆతిథ్యం ఇవ్వనుంది. ఈ ఈవెంట్ ద్వారా వచ్చే మొత్తాన్ని ముఖ్యమంత్రి సహాయ నిధికి అందజేయనున్నారు. ఇటీవల జరిగిన ఎ.ఆర్.రెహ్మాన్ మ్యూజిక్ కన్సర్ట్ తరహాలోనే ఈ షో విషయంలోనూ విఐపిలు, రాజకీయనాయకులు, సెలబ్రెటీలు, బ్యూరోక్రాట్లకు సైతం ఉచిత పాస్ లు ఉండవు.

తెలుగు పరిశ్రమలోని అన్ని విభాగాల సమన్వయంతో ప్రత్యేక కమిటీలు ఏర్పాటు చేసి ఈ కార్యక్రమాన్ని విజయవంతం చేసేందుకు నిర్వాహకులు పట్టుదలతో ఉన్నారు. తెలుగు పరిశ్రమకు చెందిన ప్రముఖులంతా ఇందులో పాల్గొని తమ మధ్య ఉన్న ఐక్యతను చాటిచెప్పనున్నారు.

అమితాబ్ బచ్చన్, రాజేష్ ఖన్నా, జితేంద్ర, వినోద్ ఖన్నా, శత్రుఘ్నసిన్హా వంటి హిందీ సినీ ప్రముఖులు కూడా ఈ వేడుకలో పాల్గొంటారు. ప్రజారాజ్యం పార్టీ అధ్యక్షుడు చిరంజీవి, ఆయన కుమారుడు రామ్ చరణ్ తేజ్, మేనల్లుడు అల్లు అర్జున్ సైతం ఈ ఈ ఈవెంట్ లో పాల్గొంటారు. మూవీ ఆర్టిస్ట్స్ అసోసియేషన్ (మా) ఇటీవల నిర్వహించిన తొలి సమావేశంలో చిరంజీవితో సహా ఆయన కుటుంబ సభ్యులెవరూ హాజరు కాలేదు. దీనిని తిరుపతిలో ఏర్పాటు చేసిన పాత్రికేయుల సమావేశంలో మోహన్ బాబు ఎత్తిచూపారు. అనంతరం ఫిలిం ఛాంబర్ లో 'మా' ఏర్పాటు చేసిన రెండో సమావేశానికి చిరంజీవి సోదరుడు నాగబాబు హాజరయ్యారు. మోహన్ బాబు, చిరంజీవి మధ్య 'శాంతిదూత'గా డాక్టర్ దాసరి నారాయణరావు వ్యవహరించి సయోధ్య కుదిర్చినట్టు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X