వీరప్ప మొయిలీపై వేలాడుతున్న కత్తులు

హైదరాబాద్: కాంగ్రెసు రాష్ట్ర వ్యవహారాల ఇన్ చార్జి వీరప్ప మొయిలీ జగన్ కు అనుకూలంగా వ్యవహరిస్తున్నారని అనుమానిస్తున్న రోశయ్య వర్గీయులు హైకమాండ్ కు మొయిలీని తప్పించ వలసిందిగా ఆకాశరామన్న ఫ్యాక్స్ లు పంపిస్తున్నారు. వీరప్ప మొయిలీ వైయస్ ఎంతో సన్నిహితుడు. వైయస్ వల్ల ఆర్ధికంగా ఎంతో లాభం పొందినవాడు. మొయిలీ కుమారుడికీ జగన్ కు మధ్య వ్యాపార భాగస్వామ్యాలు ఉన్నాయన్న విమర్శలు ఉన్నాయి. ఈ నేపధ్యంలో మొయిలీకి నిర్ణయాలు తీసుకోవడం కత్తి మీద సామే. జగన్ విషయంలో మెతకగా వ్యవహరిస్తే రాష్ట్ర ఇంచార్జిగా అయనను తప్పించే అవకాశాలున్నాయి. మొయిలీ ఆసరా చూసుకుని జగన్ మరింత జగమొండిగా మారిపోతున్నారు.

శ్రీకాకుళం జిల్లాలో ఒక్క ఎమ్మెల్యే గాని, మంత్రులు గాని పాల్గొన లేదు. అయితే తూర్పులో మాత్రం ఎక్కువ మంది ఎమ్మె ల్యేలు ఓదార్పునకు సహకరిస్తారనే భావిస్తున్నారు. గత రెండు రోజులుగా పార్టీ అధిష్టానవర్గం ఓదా ర్పులో ఎమ్మెల్యేలు పాల్గొనకుండ కట్టడి చేసే ప్రయ త్నాలు ఫలించే అవకాశాలు లేవు. పాల్గొంటే అంతా పాల్గొందాం, లేకపోతే అంతా తప్పుకుందాం అనే దానిపై జరిగిన చర్చలు సైతం ఫలించలేదు.

కాకినాడ ఎమ్మెల్యే ద్వారంపూడి చంద్రశేఖరరెడ్డి, రాజోలు ఎమ్మెల్యే రాపాక వరప్రసాద్‌లు యాత్ర ప్రారం భం నుండి ముగింపు రోజు వరకు జగన్‌ వెన్నంటే ఉంటా మని స్పష్టం చేయడంతో ఎమ్మెల్యేలలో ఐకమత్యమనేది లోపించింది. అసలు జిల్లాలో ప్రజాప్రతినిధులంతా స్వర్గీ య వైయస్‌ గూటిలో పక్షులే. జగన్‌ ఓదార్పు యాత్రలో తాము పాల్గొంటామని, అది తమ బాధ్యతని మంత్రులు ఇప్పటికే స్పష్టం చేశారు. శాసనసభ సమావేశాలు పూర్తి కాగానే యాత్రలో పాల్గొంటానని మంత్రి పిల్లి సుభాష్‌ చంద్రబోస్‌ సుస్పష్టం చేశారు. అన్నమాట మీద ఆయన కట్టుబడి 17న ఓదార్పులో పాల్గొంటానంటున్నారు.