ప్రిన్స్ కు ఇస్తాంబుల్ షాక్

ఇస్తాంబుల్ విమానాశ్రయం ప్రిన్స్ మహేష్ బాబుకు షాక్ ఇచ్చింది. దూకుడు సినిమా షూటింగ్ నిమిత్తం ఆయన ప్రస్తుతం ఇస్తాంబుల్ లో ఉన్నారు. హీరోయిన్ సమంతా, ఇతరులతో కలిసి ఆయన ఇటీవల నగర సందర్శనకు బయలుదేరారు. ఇస్తాంబుల్ సబిహా గోకెన్ అంతర్జాతీయ విమానాశ్రయం నిర్మాణ చరిత్ర విని ఆయన ఆశ్చర్యచకితులయ్యారు. తెలుగువారి ఘనతకు ఆయన షాక్ తిన్నారు. ఈ విమానాశ్రయాన్ని జిఎంఆర్ నిర్మించింది. హైదరాబాదు శంషాబాద్ విమానాశ్రయాన్ని కూడా ఇదే సంస్థ నిర్మంచింది. జిఎంఆర్ గ్రంథి మల్లికార్జునరావుకు ఈ విమానాశ్రయంలో పెద్ద వాటా ఉంది. తెలుగువారి ఖ్యాతి ఖండాంతరాలు దాటి ఇస్తాంబుల్ కు విస్తరించడం పట్ల మహేష్ బాబు ఎంతో పొంగిపోయారట.

దీపావళి పర్వదినం రోజు కుటంబానికి దూరంగా ఉండడం కూడా మహేష్ బాబుకు ఇదే మొదటిసారి అంటున్నారు. ఆయన ఈ విషయం చెప్పుకున్నారట. మరో వారం రోజులు ఇస్తాంబుల్ లో షూటింగ్ జరుగుతుందని, మరో వారం పాటు టర్కీలో ఉంటుందని, ఆ తర్వాత దుబాయ్ లో షూటింగ్ జరుగుతుందని, తన కుటుంబ సభ్యులను ఎక్కడ కలుసుకోగలుగుతానని అతను ట్విట్టర్ లో రాసుకున్నాడు.