• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

అరెస్ట్ ప్రచారం ఎఫెక్ట్: ఎదుర్కొనేందుకు జగన్ సై?

By Srinivas
|

YS Jagan
వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అరెస్టు ప్రచారం ప్రభావం ఆ పార్టీలో కనిపిస్తోందనే వార్తలు వినిపిస్తున్నాయి. అరెస్టు ప్రచారం నేపథ్యంలో దానిపై స్పందించేందుకు సిద్ధంగా ఉండాలని పార్టీ అధినాయకత్వం నుండి మండల, జిల్లా స్థాయి నేతలకు సంకేతాలు అందుతున్నాయని తెలుస్తోంది. ప్రస్తుతం జగన్ శ్రీ పొట్టి శ్రీరాములు నెల్లూరు జిల్లా కొవ్వూరు నియోజకవర్గంలో ఉప ఎన్నికల ప్రచారంలో ఉన్నారు. అయితే వైయస్సార్ కాంగ్రెస్ కేంద్ర కార్యాలయం నుండి మాత్రం జిల్లాల కార్యాలయాలకు, జిల్లాల కన్వీనర్లకు అప్రమత్తంగా ఉండాలంటూ మెసేజ్‌లు వెళ్లాయని సమాచారం. జగన్ అరెస్టు వార్తలు ఊపందుకున్న నేపథ్యంలో అలాంటిది ఏదైనా జరిగితే వెంటనే పార్టీపరంగా రాష్ట్రవ్యాప్తంగా స్పందించేలా సిద్ధం కావాలని ఆ మెసేజ్‌ల సారాంశమని తెలుస్తోంది. అనుకోని పరిణామాలు ఎదురైతే.. ర్యాలీలు, రాస్తారోకోలు, బహిరంగ సభలు నిర్వహించాలని సూచించినట్లు తెలుస్తోంది.

మరోపక్క అరెస్టు వార్తల నేపథ్యంలో.. రాష్ట్రస్థాయిలో పార్టీ వ్యూహాన్ని అమలు చేసే బాధ్యుల సంఖ్యను అమాంతంగా పెంచేశారు. గతంలో 24 మందితో కేంద్ర పాలక మండలిని ఏర్పాటు చేసిన జగన్, ఇప్పుడు దానికి సమాంతరంగా 36 మందితో కేంద్ర కార్యనిర్వాహక మండలిని ఏర్పాటు చేశారు. ఇందులో ఇటీవల అనర్హత వేటుపడిన 17 మంది ఎమ్మెల్యేలకూ చోటు కల్పించారు. వారితో పాటు మరో పంతొమ్మిది మందికి ఇందులో అవకాశం కల్పించారు. అనర్హత వేటు పడిన మూడో రోజునే ఎమ్మెల్యేలకు పార్టీ పదవులు కట్టబెట్టడం విశేషం. రాష్ట్ర స్థాయిలో పార్టీ బాధ్యతను చూసేందుకు ప్రత్యామ్నాయ ఏర్పాట్లలో భాగంగా ఇది జరిగిందని తెలుస్తోంది. ఇందులో భాగంగానే గతంలో ఉన్న కేంద్ర పాలక మండలికి సమాంతరంగా ఇప్పుడు కొత్తగా కేంద్ర కార్యనిర్వాహక మండలిని ఏర్పాటు చేసినట్లు చెబుతున్నారు. అలాగే గౌరవాధ్యక్షురాలు వైయస్ విజయమ్మ కూడా పార్టీని నడిపించే విషయమై గతం నుంచే చర్చ నడుస్తున్న విషయం తెలిసిందే.

English summary
The state leadership of the YSR Conress has asked all the district, mandal and village units to protest against the harassment and vindictive attitude of the CBI and other investigative agencies, and the likely arrest of the party president and Kadapa MP YS Jaganmohan Reddy.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X