గుంటూరులో వర్షాబావ ప్రాంతాల పర్యటనకు బయలుదేరిన జగన్

హైదరాబాద్: మాజీ పార్లమెంటు సభ్యుడు, దివంగత ముఖ్యమంత్రి వైయస్ రాజశేఖరరెడ్డి తనయుడు జగన్మోహన్ రెడ్డి శుక్రవారం ఉదయం పర్యటనకు బయలు దేరారు. గుంటూరు జిల్లాలోని వర్షాభావంగల పలు ప్రాంతాలలో పర్యటించి పంట నష్టపోయిన రైతులను పరామర్శిస్తారు. జగన్ ఆయన ఇంటినుండి నేరుగా సికింద్రాబాదుకు చేరుకొని అక్కడ నుండి జన్మభూమి ఎక్స్ ప్రెస్ లో గుంటూరుకు బయలు దేరారు.

గుంటూరు బయలుదేరిన జగన్ కు చాలామంది అభిమానులు తరలి వచ్చారు. సికింద్రాబాదు స్టేషన్లో ఆయనతో కరచాలనం చేయడానికి పలువురు అభిమానులు ఉత్సాహం చూపారు. శుక్ర, శనివారాల్లో ఆయన గుంటూరు, కృష్ణా జిల్లాల్లోని వర్షాభావ ప్రాంతాలలో పర్యటిస్తారని ఇంతకుముందే జగన్ వర్గం ప్రకటించింది. అందులో భాగంగా శుక్రవారం గుంటూరులో, శనివారం కృష్ణా జిల్లాలో పర్యటిస్తారు.