మాట నిలబెట్టుకున్న పవన్.. సురక్షితంగా ఏపీకి ఒమెన్ బాధితురాలు !!
విదేశాల్లో ఇబ్బందులు ఎదుర్కొంటున్న తెలుగు ప్రజలకు అండగా నిలుస్తామని చెప్పిన ఆంధ్రప్రదేశ్ ఉప ముఖ్యమంత్రి Pawan Kalyan మరోసారి తన మాట నిలబెట్టుకున్నారు. అన్నమయ్య జిల్లా వాయల్పాడుకు చెందిన షానవాజ్ అనే మహిళ ఒమన్లో తీవ్ర ఇబ్బందుల్లో చిక్కుకుపోయి సహాయం కోసం విజ్ఞప్తి చేయగా.. వెంటనే స్పందించిన పవన్ ఆమెను సురక్షితంగా స్వదేశానికి తీసుకురావడంలో కీలక పాత్ర పోషించారు.
కొద్ది రోజుల క్రితం షానవాజ్ సోషల్ మీడియాలో ఓ భావోద్వేగ వీడియో విడుదల చేశారు. ఒమన్లో తీవ్ర ఇబ్బందులు ఎదుర్కొంటున్నానని, వెంటనే భారత్కు తీసుకురావాలని వేడుకుంటూ నేరుగా పవన్ కళ్యాణ్ను అభ్యర్థించారు. ఆ వీడియో వైరల్ కావడంతో విషయం వేగంగా ప్రభుత్వ దృష్టికి చేరింది.
ఈ అంశాన్ని అత్యంత ప్రాధాన్యతగా తీసుకున్న పవన్ కళ్యాణ్ వెంటనే విదేశీ వ్యవహారాల మంత్రిత్వ శాఖ అధికారులతో మాట్లాడినట్లు తెలిపారు. ఆమె పరిస్థితిని వివరించి, తక్షణ చర్యలు తీసుకోవాలని కోరారు. దీంతో భారత విదేశాంగ శాఖ, మస్కట్లోని భారత రాయబార కార్యాలయం, స్థానిక ఒమన్ అధికారులు సమన్వయంతో రంగంలోకి దిగారు.
కాగా మే 8, 2026న అమరావతిలో మీడియాతో మాట్లాడిన పవన్.. షానవాజ్ సురక్షితంగా భారత్కు చేరుకున్నట్లు అధికారికంగా వెల్లడించారు. ఈ క్రమంలోనే ఆమె హైదరాబాద్ విమానాశ్రయానికి చేరుకున్నారని తెలిపారు. అనంతరం ఆమె జనసేన పార్టీ కార్యాలయాన్ని సందర్శించి పవన్ కళ్యాణ్కు వ్యక్తిగతంగా కృతజ్ఞతలు తెలిపినట్లు సమాచారం.
ఈ సందర్భంగా పవన్ కళ్యాణ్ మాట్లాడుతూ.. "విదేశాల్లో ఎక్కడ ఉన్నా ప్రతి తెలుగు వ్యక్తి భద్రత మా బాధ్యత. కష్టాల్లో ఉన్న భారతీయులను స్వదేశానికి తీసుకురావడంలో కేంద్ర ప్రభుత్వం ఎప్పుడూ ముందుంటోంది" అని పేర్కొన్నారు. ప్రధాని Narendra Modi నాయకత్వంలోని ఎన్డీఏ ప్రభుత్వం విదేశాల్లో చిక్కుకున్న భారతీయుల రక్షణకు అత్యంత ప్రాధాన్యత ఇస్తోందని అన్నారు.
అలాగే ఈ మొత్తం ప్రక్రియలో సహకరించిన విదేశాంగ శాఖ అధికారులు, మస్కట్లోని భారత రాయబార కార్యాలయం, ఒమన్ ప్రభుత్వ అధికారులకు పవన్ కళ్యాణ్ ప్రత్యేక ధన్యవాదాలు తెలిపారు. జనసేన గల్ఫ్ కేడర్, ఏపీఎన్ఆర్టీ అసోసియేషన్, ఎన్డీఏ కూటమి కార్యకర్తలు కూడా ఎంతో కృషి చేశారని కొనియాడారు.
#PawanKalyanAneNenu
— JanaSena Party (@JanaSenaParty) May 8, 2026
To every Indian facing difficulties in any part of the world, please remember that you are not alone. We are always here to serve you, support you, and stand by you in every possible way. It is our duty and responsibility to help our people wherever they are.… https://t.co/WGePCcGpoH
ఇక షానవాజ్ కుటుంబ సభ్యులు కూడా పవన్ కళ్యాణ్కు కృతజ్ఞతలు తెలిపారు. "మా కూతురు తిరిగి వస్తుందో లేదో తెలియని పరిస్థితిలో ఉన్నాం. కానీ వెంటనే స్పందించి ఆమెను క్షేమంగా తీసుకొచ్చారు" అంటూ కుటుంబ సభ్యులు భావోద్వేగానికి గురయ్యారు. ఈ ఘటన మరోసారి విదేశాల్లో ఇబ్బందులు ఎదుర్కొంటున్న భారతీయులకు ప్రభుత్వం అండగా నిలుస్తోందనే నమ్మకాన్ని బలపరిచింది.
Click it and Unblock the Notifications
Sign in with Google