ఇరాన్ వార్ లో చైనా ? అమెరికా ఎఫ్ 15 ఫైటర్ జెట్ కూల్చివేత..!
మూడు నెలల క్రితం ప్రారంభమైన ఇరాన్ వార్ ఇప్పటికీ ప్రత్యక్షంగా, పరోక్షంగా కొనసాగుతూనే ఉంది. పైకి కాల్పుల విరమణ అని చెప్తున్నా.. అమెరికా దాడులు మాత్రం కొనసాగుతూనే ఉన్నాయి. అయితే తాజాగా చోటు చేసుకున్న ఓ పరిణామం మాత్రం అంతర్జాతీయంగా కలకలం రేపింది. అదే ఇరాన్ లో చైనా క్షిపణితో కూలిన అమెరికా యుద్ద విమానం ఎఫ్ 15 (US F-15 Fighter Jet). ఇది నేరుగా చైనా చేసిన దాడే అని నివేదికలు స్పష్టం చేస్తున్నాయి.
గత నెలలో నైరుతి ఇరాన్ గగనతలంలో కూలిపోయిన యూఎస్ ఎఫ్-15 యుద్ధ విమానాన్ని చైనాలో తయారైన భుజంపై నుండి ప్రయోగించే క్షిపణి ఢీకొట్టి ఉండవచ్చని తాజా నివేదిక పేర్కొంది. ఫిబ్రవరి 28న మొదలైన ఈ యుద్ద సమయంలో చైనా ఇరాన్కు అదనపు సైనిక సహాయం, స్టెల్త్ ఎయిర్క్రాఫ్ట్ టెక్నాలజీ, సుదూర రాడార్ వ్యవస్థలు అందించిందని ఎన్బీసీ న్యూస్ తెలిపింది. ఈ పరికరాలు అమెరికా ఎఫ్-15ఈ స్ట్రైక్ ఈగిల్ వంటి అధునాతన యుద్ధ విమానాలను ట్రాక్ చేసే ఇరాన్ సామర్థ్యాన్ని మెరుగుపరిచి ఉండవచ్చని అమెరికా అధికారులు చెప్తున్నారు.
ఈ ఘటన జరిగిన రోజు.. అమెరికా అధ్యక్షుడు డొనాల్డ్ ట్రంప్.. తమ ఎఫ్ 15 జెట్ను మ్యాన్పాడ్స్ అనే భుజంపై నుండి ప్రయోగించే క్షిపణి ఢీకొట్టిందని చెప్పారు. ఇవి 7 అడుగుల పొడవు, 40 పౌండ్ల బరువున్న పోర్టబుల్ క్షిపణులు. ఈ ప్రమాదం తర్వాత సిబ్బందిని గుర్తించడానికి 36 గంటల గాలింపు చేపట్టారు. ఏప్రిల్లో అమెరికా జెట్ కూలిపోయిన విధానంపై అధికారులు దర్యాప్తు చేస్తున్నారు. దశాబ్దాలలో తొలిసారిగా అమెరికా యుద్ధ విమానం శత్రువుల దాడిలో కూలిపోవడం ప్రాధాన్యం సంతరించుకుంది. ఈ జెట్లో ఇద్దరు సిబ్బంది సురక్షితంగా బయటపడ్డారు. పైలట్ను ఏడు గంటల్లో రక్షించారు. రెండవ సిబ్బంది, ఒక వెపన్స్ సిస్టమ్స్ ఆఫీసర్, జాగ్రోస్ పర్వతాల్లో దాక్కుని రెండు రోజుల తర్వాత బయటపడ్డారు.
Click it and Unblock the Notifications
Sign in with Google