భవిష్యత్తులో ఏఐ, 5జీ, ఈ- వెహికిల్స్ దే హవా.. కీలక రిపోర్టు వెల్లడి

ప్రస్తుత డిజిటల్ యుగంలో ఆర్టిఫిషియల్ ఇంటెలిజెన్స్(AI),5జీ, బ్లాక్ చెయిన్ టెక్నాలజీ, ఇంటర్నెట్ ఆఫ్ థింగ్స్, ఎలక్ట్రిక్ వాహనాలదే హవా అని టెక్నాలజీ అండ్ ఇన్నోవేషన్ రిపోర్టు-2025 వెల్లడించింది. ఈ ఐదు రంగాలు ప్రపంచాన్ని ఏలేస్తాయని నివేదిక స్పష్టం చేసింది. ఈ రిపోర్టును అమెరికాకు చెందిన యూఎన్ కాన్ఫరెన్స్ ఆన్ ట్రేడ్ అండ్ డెవలప్ మెంట్(UNCTAD)సంస్థ విడుదల చేసింది.

టెక్నాలజీ అండ్ ఇన్నోవేషన్ రిపోర్టు-2025 ను అమెరికాకు చెందిన యూఎన్ కాన్ఫరెన్స్ ఆన్ ట్రేడ్ అండ్ డెవలప్ మెంట్(UNCTAD)సంస్థ విడుదల చేసింది. ఈ రిపోర్టు ఆధారంగా భవిష్యత్తులో ఆర్టిఫిషియల్ ఇంటెలిజెన్స్(AI),5జీ, బ్లాక్ చెయిన్ టెక్నాలజీ, ఇంటర్నెట్ ఆఫ్ థింగ్స్, రోబోటిక్స్, ఎలక్ట్రిక్ వాహనాలు కీలక పాత్ర పోషిస్తాయని పేర్కొంది. ఏఐపై పెట్టుబడుల్లో అమెరికా ముందు వరుసలో ఉందని నివేదిక తెలిపింది. ఏఐలో 70శాతం పెట్టుబడులు అమెరికా నుంచి వస్తున్నాయి. అమెరికాతోపాటు భారత్, చైనా, బ్రెజిల్ కూడా ఏఐలో భారీగా పెట్టుబడులు పెడుతున్నట్లు రిపోర్టు తెలిపింది.

ముఖ్యంగా అగ్రికల్చర్, మానుఫ్యాక్చరింగ్, హెల్త్ కేర్ విభాగాల్లో ఏఐ వినియోగం అధికం అయినట్లు టెక్నాలజీ అండ్ ఇన్నోవేషన్ రిపోర్టు-2025 వెల్లడించింది. రానున్న రోజుల్లో ఈ రంగాల వినియోగం మరింత పెరుగుతుందని వీటి మార్కెట్ సైతం విస్తరిస్తుందని అంచనా వేసింది. ప్రస్తుతం ప్రపంచవ్యాప్తంగా ఏఐ మార్కెట్ విలువ 4.7లక్షల కోట్ల డాలర్లుగా ఉంది. ఇంటర్నెట్ ఆఫ్ థింగ్స్ మార్కెట్ విలువ 3.14 లక్షల కోట్ల డాలర్లుగా ఉంది.

అలాగే బ్లాక్ చెయిన్ టెక్నాలజీ 2.3లక్షల కోట్ల డాలర్లు, 5జీ 1.2 లక్షల కోట్ల డాలర్లు, ఎలక్ట్రిక్ వాహనాలు 1.40 లక్షల కోట్ల డాలర్ల మార్కెట్ ఉన్నట్లు టెక్నాలజీ అండ్ ఇన్నోవేషన్ రిపోర్టు-2025 వెల్లడించింది.