‘పెద్ది’పై ఉమైర్ సంధు రివ్యూ
గ్లోబల్ స్టార్ రామ్ చరణ్, స్టార్ డైరెక్టర్ బుచ్చిబాబు సానా కాంబినేషన్లో వస్తున్న మోస్ట్ అవేటెడ్ మూవీ 'పెద్ది'. ఈ చిత్రం జూన్ 3 రాత్రి ఓవర్సీస్ ప్రీమియర్లతో థియేటర్లలోకి అడుగుపెడుతుండగా, జూన్ 4 నుండి ప్రపంచవ్యాప్తంగా గ్రాండ్ రిలీజ్కు సిద్ధమైంది. అయితే, భారత్లో సెన్సార్ టాక్ అధికారికంగా బయటకు రాకముందే.. సోషల్ మీడియాలో సెన్సేషన్ కోసం ఎదురుచూసే దుబాయ్ క్రిటిక్ ఉమైర్ సంధు ఈ సినిమాపై చేసిన కామెంట్స్ ఇప్పుడు నెట్టింట హాట్ టాపిక్గా మారాయి.
పారాసెటమాల్ కావాలంటున్న సంధు
X వేదికగా తనను తాను దుబాయ్ సెన్సార్ బోర్డు సభ్యుడిగా చెప్పుకునే ఉమైర్ సంధు, 'పెద్ది' సినిమాపై నెగిటివ్ టాక్ను స్ప్రెడ్ చేసే ప్రయత్నం చేశాడు. సినిమా చూశాక తనకు తలనొప్పి వచ్చిందంటూ, పారాసెటమాల్ టాబ్లెట్ కావాలంటూ ట్వీట్ చేశాడు. ఈ సినిమా పాత సీసాలో కొత్త సారా లాంటి బోరింగ్ మాస్ ఎంటర్టైనర్ అని, రామ్ చరణ్, జాన్వీ కపూర్ల నటన అస్సలు బాలేదని పేర్కొన్నాడు. అంతేకాకుండా, ఈ చిత్రంతో రామ్ చరణ్ బౌన్స్ బ్యాక్ అవ్వడం కష్టమని చెబుతూ సినిమాకు మార్కెట్లో బజ్ లేదంటూ 2.5/5 రేటింగ్ ఇచ్చాడు.
ఉమైర్ సంధు రివ్యూ బయటకు రాగానే మెగా అభిమానులు అతడిని సోషల్ మీడియాలో దారుణంగా ట్రోల్ చేయడం ప్రారంభించారు. ఒక నెటిజన్ ఆధారాలతో సహా అతడి గుట్టు రట్టు చేశాడు. కొన్ని నిమిషాల ముందు ఇన్స్టాగ్రామ్లో "సినిమా అద్భుతంగా ఉంది" అని పోస్ట్ చేసిన ఉమైర్ సంధు, కాసేపటికే ట్విట్టర్లో నెగిటివ్ రివ్యూ ఇవ్వడం వెనుక ఉన్న స్క్రీన్ షాట్స్ను ఫ్యాన్స్ బయటపెట్టారు. కేవలం అటెన్షన్ కోసమే ఇతడు ఇలాంటి ఫేక్ రివ్యూలు రాస్తాడని, గతంలో 'ఆర్ఆర్ఆర్', 'బాహుబలి' చిత్రాలకు కూడా ఇలాగే నెగిటివ్ రేటింగ్స్ ఇచ్చాడని నెటిజన్లు గుర్తుచేస్తున్నారు.
నెంబర్స్ తిప్పికొడుతున్నాయి
సినిమాకు అసలు క్రేజ్ లేదన్న ఉమైర్ సంధు వాదనలను బాక్సాఫీస్ నంబర్స్ పూర్తిగా తిప్పికొడుతున్నాయి. 'ఆర్ఆర్ఆర్', గేమ్ ఛేంజర్ తర్వాత రామ్ చరణ్ నటిస్తున్న ప్రాజెక్ట్ కావడంతో బిజినెస్ వర్గాల్లో దీనిపై భారీ అంచనాలు ఉన్నాయి. కేవలం అడ్వాన్స్ బుకింగ్స్ రూపంలోనే ఈ చిత్రం ఇప్పటికే రూ. 30 కోట్లకు పైగా వసూలు చేసి సరికొత్త రికార్డు సృష్టించింది. ఎన్టీఆర్ 'దేవర' తర్వాత జాన్వీ కపూర్ నటిస్తున్న రెండో తెలుగు సినిమా కావడంతో నార్త్ బెల్ట్లో కూడా ఈ చిత్రానికి థియేట్రికల్ రన్ అద్భుతంగా ఉండబోతోంది.
దీనికి తోడు 'రంగస్థలం' లాంటి ఇండస్ట్రీ హిట్ తర్వాత చరణ్-బుచ్చిబాబు-దేవిశ్రీ ప్రసాద్ కాంబో రిపీట్ అవుతుండటంతో, ఇందులోని పల్లెటూరి నేపథ్య సాంగ్స్ అప్పుడే చార్ట్బస్టర్స్గా నిలిచాయి. ఇవన్నీ గమనిస్తే ఉమైర్ సంధు చేసిన కామెంట్స్ కేవలం ఫేక్ పబ్లిసిటీ స్టంట్ అని స్పష్టమవుతోంది. బుధవారం రాత్రి పడే ప్రీమియర్ షోలతో 'పెద్ది' అసలు సిసలైన బాక్సాఫీస్ జాతర ఎలా ఉండబోతుందో అధికారికంగా తేలిపోనుంది.
Click it and Unblock the Notifications
Sign in with Google