క్రేజీ జాబ్ అప్డేట్.. నెలకు రూ.1,40,000 వరకు జీతంతో ఉద్యోగాలు..!

భారత ప్రభుత్వ రక్షణ మంత్రిత్వ శాఖ ఆధ్వర్యంలోని ప్రభుత్వ సంస్థలలో ఒకటైన Bharat Electronics Limited (BEL) నిరుద్యోగ యువతకు శుభవార్త అందించింది. ఈ నవరత్న సంస్థలో కొత్తగా ఉద్యోగాల భర్తీకి నోటిఫికేషన్ విడుదలైంది. బెంగళూరులోని సంస్థ కాంప్లెక్స్‌లో ఉన్న సెంట్రల్ సర్వీసెస్ విభాగంలో నిర్ణీత కాలపరిమితి ప్రాతిపదికన పని చేసేందుకు అర్హులైన అభ్యర్థుల నుంచి ఆన్‌లైన్ దరఖాస్తులను ఆహ్వానిస్తున్నారు.

రక్షణ రంగానికి సంబంధించిన ప్రముఖ ప్రభుత్వ సంస్థలో ఉద్యోగం పొందాలనుకునే ఇంజినీరింగ్ అభ్యర్థులకు ఇది మంచి అవకాశంగా భావిస్తున్నారు. సరైన అర్హతలు ఉన్న వారు ఈ అవకాశాన్ని ఉపయోగించుకుని తమ కెరీర్‌ను మెరుగుపరుచుకోవాలని నిపుణులు సూచిస్తున్నారు.

మొత్తం ఖాళీలు..

ఈ నియామక ప్రక్రియలో భాగంగా మొత్తం 35 డిప్యూటీ ఇంజినీర్ పోస్టులను భర్తీ చేయనున్నారు. ఈ పోస్టులు ప్రధానంగా సివిల్, ఆర్కిటెక్చర్ మరియు హార్టికల్చర్ విభాగాలకు సంబంధించినవిగా ఉన్నాయి.

విద్యార్హతలు..

అభ్యర్థులు సంబంధిత విభాగంలో సరైన విద్యార్హతలు కలిగి ఉండాలి.

సివిల్ విభాగానికి: BE / B.Tech / B.Sc (Engineering)

ఆర్కిటెక్చర్ విభాగానికి: B.Arch

హార్టికల్చర్ విభాగానికి: M.Sc Horticulture

జనరల్, ఓబీసీ, ఈడబ్ల్యూఎస్ కేటగిరీ అభ్యర్థులు తప్పనిసరిగా ఫస్ట్ క్లాస్ మార్కులతో డిగ్రీ పూర్తి చేసి ఉండాలి. అయితే ఎస్సీ, ఎస్టీ మరియు దివ్యాంగుల కేటగిరీలకు కేవలం పాస్ మార్కులు ఉన్నా దరఖాస్తు చేసుకునే అవకాశం కల్పించారు.

వయోపరిమితి..

2026 మార్చి 1 నాటికి అభ్యర్థుల గరిష్ఠ వయస్సు 28 సంవత్సరాలు మించకూడదు. ప్రభుత్వ నిబంధనల ప్రకారం రిజర్వేషన్ వర్గాలకు వయో పరిమితిలో సడలింపులు వర్తిస్తాయి.

ఓబీసీ అభ్యర్థులకు - 3 సంవత్సరాల సడలింపు

ఎస్సీ / ఎస్టీ అభ్యర్థులకు - 5 సంవత్సరాల సడలింపు

PwBD (దివ్యాంగులు) - గరిష్ఠంగా 10 సంవత్సరాల వరకు సడలింపు

జీతం..

ఈ పోస్టులకు ఎంపికైన అభ్యర్థులకు మంచి వేతన ప్యాకేజీ ఇవ్వనున్నారు. నెలకు రూ.40,000 నుంచి రూ.1,40,000 వరకు జీతం ఉంటుంది. దీనికి అదనంగా డీఏ (Dearness Allowance), హెచ్‌ఆర్‌ఏ (House Rent Allowance), పీఆర్‌పీ (Performance Related Pay) వంటి ఇతర భత్యాలు కూడా అందిస్తారు.

ఈ నియామకాలు మొదట 5 సంవత్సరాల కాలపరిమితితో ఉంటాయి. అభ్యర్థి పనితీరు మెరుగ్గా ఉంటే మరో 2 సంవత్సరాల పాటు పొడిగించే అవకాశం కూడా ఉంది.

ఎంపిక విధానం..

రాత పరీక్ష

ఇంటర్వ్యూ

రాత పరీక్షలో ఉత్తీర్ణులైన వారికి మాత్రమే ఇంటర్వ్యూకు అవకాశం ఉంటుంది. ఈ పరీక్షను బెంగళూరులో మాత్రమే నిర్వహించనున్నట్లు సంస్థ తెలిపింది. అందువల్ల అభ్యర్థులు ముందుగానే ప్రయాణ ఏర్పాట్లు చేసుకోవాలని సూచించారు.

దరఖాస్తు ఫీజు..

జనరల్ / ఓబీసీ / ఈడబ్ల్యూఎస్ అభ్యర్థులు - ₹400

అదనంగా 18% జీఎస్టీ వర్తిస్తుంది

ఎస్సీ, ఎస్టీ, PwBD మరియు మాజీ సైనికులకు ఫీజు పూర్తిగా మినహాయింపు

దరఖాస్తు విధానం..

అభ్యర్థులు పూర్తిగా ఆన్‌లైన్ విధానంలో దరఖాస్తు చేయాలి. దరఖాస్తు సమయంలో అవసరమైన విద్యార్హత సర్టిఫికెట్లు, ఫోటో, సంతకం వంటి పత్రాలను అప్లోడ్ చేయాలి. వివరాలు సరిగ్గా నింపడం చాలా ముఖ్యమని సంస్థ సూచించింది.

దరఖాస్తు గడువు..

ఆసక్తి గల అభ్యర్థులు 2026 ఏప్రిల్ 1వ తేదీలోపు తమ దరఖాస్తులను సమర్పించాలి.

మరిన్ని వివరాలకు అభ్యర్థులు పూర్తి నోటిఫికేషన్, సిలబస్, అప్లికేషన్ లింక్ వంటి వివరాల కోసం సంస్థ అధికారిక వెబ్‌సైట్‌ www.bel-india.in సందర్శించవచ్చు.

English summary

The famous government organization Bharat Electronics Limited (BEL) has once again released a big advertisement. A total of 35 job vacancies will be filled through this notification.