నెలకు రూ.2 లక్షల జీతంతో ఉద్యోగాలు !!
కేంద్ర ప్రభుత్వ రంగ సంస్థలో ఉద్యోగం చేయాలనుకునే అనుభవజ్ఞులైన ఇంజినీర్లు, ఐటీ నిపుణులు, మైనింగ్ ప్రొఫెషనల్స్కు శుభవార్త. ప్రముఖ ప్రభుత్వ రంగ ఇంజినీరింగ్ మరియు కన్సల్టెన్సీ సంస్థ RITES Limited ఒప్పంద ప్రాతిపదికన (Contract Basis) 23 ఇండివిడ్యువల్ కన్సల్టెంట్ పోస్టుల భర్తీకి నోటిఫికేషన్ విడుదల చేసింది. దేశవ్యాప్తంగా వివిధ ప్రాజెక్టుల్లో సేవలందించేందుకు అర్హులైన అభ్యర్థుల నుంచి ఆన్లైన్ దరఖాస్తులను ఆహ్వానిస్తోంది.
RITES గురించి..
రైల్వే మంత్రిత్వ శాఖ ఆధ్వర్యంలో పనిచేస్తున్న RITES Limited దేశంలోనే ప్రముఖ ఇంజినీరింగ్, ట్రాన్స్పోర్ట్ ఇన్ఫ్రాస్ట్రక్చర్, ప్రాజెక్ట్ మేనేజ్మెంట్ కన్సల్టెన్సీ సంస్థగా గుర్తింపు పొందింది. రైల్వేలు, రోడ్లు, పోర్టులు, మెట్రో, మైనింగ్, విద్యుత్ రంగాలకు సంబంధించిన కీలక ప్రాజెక్టులను నిర్వహిస్తూ వేలాది మంది నిపుణులకు ఉపాధి కల్పిస్తోంది.
మొత్తం ఖాళీలు..
తాజా నోటిఫికేషన్ ప్రకారం మొత్తం 23 ఇండివిడ్యువల్ కన్సల్టెంట్ పోస్టులను భర్తీ చేయనున్నారు. వివిధ సాంకేతిక విభాగాల్లో అనుభవం కలిగిన అభ్యర్థులకు అవకాశం కల్పించారు.
అర్హతలు..
- సివిల్ ఇంజినీరింగ్
- మైనింగ్ ఇంజినీరింగ్
- ఎలక్ట్రికల్ ఇంజినీరింగ్
- మెకానికల్ ఇంజినీరింగ్
- ఇన్ఫర్మేషన్ టెక్నాలజీ (IT)
సంబంధిత టెక్నికల్ విభాగాలు
అదనంగా B.E / B.Tech, M.E / M.Tech.. సంబంధిత విభాగంలో పోస్ట్ గ్రాడ్యుయేషన్.. కొన్ని పోస్టులకు డిప్లొమా అర్హత ఉండాలి.
అనుభవానికి ప్రాధాన్యం..
ఈ నియామకాలు ప్రధానంగా అనుభవజ్ఞులైన అభ్యర్థుల కోసం నిర్వహిస్తున్నారు. ప్రభుత్వ, ప్రైవేట్ రంగాల్లో ప్రాజెక్ట్ మేనేజ్మెంట్, కన్సల్టెన్సీ, టెక్నికల్ ఆపరేషన్స్, ఇన్ఫ్రాస్ట్రక్చర్ అభివృద్ధి, మైనింగ్ లేదా ఐటీ ప్రాజెక్టుల్లో పనిచేసిన వారికి ప్రాధాన్యం లభించే అవకాశం ఉంది.
వయోపరిమితి..
దరఖాస్తు చేసుకునే అభ్యర్థుల గరిష్ట వయస్సు 62 సంవత్సరాలు మించకూడదు. పదవీ విరమణ చేసిన అనుభవజ్ఞులైన నిపుణులు కూడా అర్హత ప్రమాణాలు పూర్తి చేస్తే దరఖాస్తు చేసుకోవచ్చు.
వేతనం..
పోస్టు స్వభావం, అనుభవం, బాధ్యతల ఆధారంగా ఎంపికైన అభ్యర్థులకు నెలకు:
కనిష్టంగా ₹20,000
గరిష్టంగా ₹2,00,000 వరకు రితోషికం అందజేయనున్నారు.
ఎంపిక విధానం..
- దరఖాస్తుల పరిశీలన
- అర్హుల షార్ట్లిస్టింగ్
- వ్యక్తిగత ఇంటర్వ్యూ
- డాక్యుమెంట్ వెరిఫికేషన్
ఇంటర్వ్యూలో అభ్యర్థుల సాంకేతిక పరిజ్ఞానం, అనుభవం, ప్రాజెక్ట్ నిర్వహణ సామర్థ్యాన్ని అంచనా వేస్తారు.
ఉద్యోగ బాధ్యతలు..
- సాంకేతిక సలహాలు అందించడం
- ప్రాజెక్ట్ మానిటరింగ్
- డిజైన్, అమలు పర్యవేక్షణ
- క్వాలిటీ కంట్రోల్
- ప్రాజెక్ట్ రిపోర్టుల తయారీ
- ఫీల్డ్ ఇన్స్పెక్షన్లు
- క్లయింట్ కోఆర్డినేషన్
దరఖాస్తు విధానం..
అభ్యర్థులు RITES అధికారిక వెబ్సైట్ ద్వారా మాత్రమే ఆన్లైన్లో దరఖాస్తు చేయాలి.
దరఖాస్తు చేసుకునే విధానం..
- అధికారిక వెబ్సైట్ను సందర్శించాలి.
- Careers / Recruitment విభాగంలోకి వెళ్లాలి.
- సంబంధిత నోటిఫికేషన్ను పరిశీలించాలి.
- ఆన్లైన్ అప్లికేషన్ ఫారమ్ నింపాలి.
- అవసరమైన విద్యార్హత, అనుభవ పత్రాలను అప్లోడ్ చేయాలి.
- దరఖాస్తును సమర్పించి ప్రింట్ కాపీ భద్రపరచుకోవాలి.
ముఖ్యమైన తేదీలు..
ఆన్లైన్ దరఖాస్తుల ప్రారంభం: ఇప్పటికే ప్రారంభమైంది
చివరి తేదీ: 07 జూన్ 2026
చివరి తేదీ వరకు వేచి ఉండకుండా ముందుగానే దరఖాస్తు చేసుకోవాలని సంస్థ సూచించింది.
ఇంజినీరింగ్, మైనింగ్, ఐటీ రంగాల్లో విశేష అనుభవం ఉన్నవారు కేంద్ర ప్రభుత్వ రంగ సంస్థతో కలిసి పనిచేసే అరుదైన అవకాశాన్ని ఈ నియామకాలు కల్పిస్తున్నాయి. ముఖ్యంగా పదవీ విరమణ పొందిన నిపుణులు, కన్సల్టెన్సీ రంగంలో కెరీర్ కొనసాగించాలనుకునే వారికి ఈ నోటిఫికేషన్ మంచి అవకాశంగా నిలవనుంది.
Click it and Unblock the Notifications
Sign in with Google