బిగ్ ట్విస్ట్ ఇచ్చిన బిగ్ బాస్.. ఆమెను మధ్యలోనే ఎలిమినేషన్ చేస్తూ సంచలనం
బిగ్ బాస్ హౌజ్ ఎప్పుడూ ఊహించని మలుపులతో ప్రేక్షకులను ఉత్కంఠకు గురిచేస్తూ ఉంటుంది. తాజాగా, హౌజ్ నుంచి ఇద్దరు కంటెస్టెంట్ల విషయంలో జరుగుతున్న పరిణామాలు మెగా అభిమానుల్లో ఆసక్తిని పెంచుతున్నాయి.
గత కొద్ది రోజులుగా అనారోగ్యంతో బాధపడుతున్న కంటెస్టెంట్ అయేషా, చికిత్స నిమిత్తం బిగ్ బాస్ హౌజ్ నుంచి బయటకు వచ్చింది. ప్రస్తుతం ఆమె వైద్యుల పర్యవేక్షణలో చికిత్స తీసుకుంటోంది. ఆమె ఆరోగ్యం పూర్తిగా కుదుటపడి, వైద్యుల అనుమతి లభిస్తే, అయేషా తిరిగి హౌజ్లోకి అడుగుపెట్టే అవకాశం ఉంది.
అయితే, ఆమె ఆరోగ్యం మెరుగుపడకపోతే, ఈ వారం జరిగే ఎలిమినేషన్ ప్రక్రియలో ఆమె ఎలిమినేట్ అయ్యే అవకాశం ఉంది. ఈ శనివారం వాలంటీర్ ఎలిమినేషన్ పద్ధతి ద్వారా ఆమెను హౌజ్ నుంచి పూర్తిగా పంపేయవచ్చని తెలుస్తోంది. దీంతో అయేషా బిగ్ బాస్ ప్రయాణం ముగిసినట్లేనా అనే ప్రశ్న అభిమానుల్లో మొదలైంది.
ఇదిలా ఉండగా, హౌజ్లో జరిగిన మిడ్ వీక్ ఎలిమినేషన్ అందరినీ షాక్కు గురిచేసింది. మాజీ కంటెస్టెంట్లు అర్జున్, అమర్దీప్లు హౌజ్లోకి ప్రవేశించి, రామూ రాథోడ్ ఎలిమినేట్ అయ్యాడని ప్రకటించి, అతన్ని బయటకు తీసుకెళ్లారు.
ఈ ఊహించని మిడ్ వీక్ ఎలిమినేషన్ను చూసి హౌస్మేట్స్, ప్రేక్షకులు రామూ రాథోడ్ ప్రయాణం ముగిసిందని భావించారు. కానీ, కొద్దిసేపటికే రామూ రాథోడ్ మళ్లీ హౌజ్లోకి నవ్వుతూ ఎంట్రీ ఇచ్చాడు. దీంతో అది కేవలం హౌస్మేట్స్ కోసం బిగ్ బాస్ ఇచ్చిన ఒక ట్విస్ట్ అని తేలింది. ఈ నాటకీయ పరిణామంతో హౌస్మేట్స్ సంతోషించారు. బిగ్ బాస్ ఆట తీరుపై ప్రేక్షకుల్లో ఉత్కంఠ మరింత పెరిగింది.
మొత్తానికి, బిగ్ బాస్ హౌజ్లో ఈ వారం అయేషా అనారోగ్యం, రామూ రాథోడ్ ఫేక్ ఎలిమినేషన్.. అనే రెండు ప్రధాన అంశాలు ఇప్పుడు సోషల్ మీడియాలో హాట్ టాపిక్గా మారాయి.
Click it and Unblock the Notifications
Sign in with Google