Mandaadi First Review: సముద్రంలో స్పోర్ట్స్ యాక్షన్ మెప్పించిందా..?

కోలీవుడ్ విలక్షణ నటుడు సూరి హీరోగా, టాలీవుడ్ యంగ్ అండ్ టాలెంటెడ్ నటుడు సుహాస్ విల‌న్‌ పాత్రలో నటిస్తున్న పాన్- ఇండియా చిత్రం 'మండాడి' ఈ మూవీ సెప్టెంబర్ 10న ప్రేక్ష‌కుల ముందుకు రాబోతుంది. ఈ మూవీకి మతిమారన్ పుగళేంది దర్శకత్వం వహిస్తున్నారు. సముద్రం నేపథ్యంలో రాబోతున్న ఈ హై-వోల్టేజ్ యాక్షన్ డ్రామాకు ప్రముఖ దర్శకుడు వెట్రిమారన్ నిర్మాతగా వ్యవహరించడం విశేషం. ఆయనతోపాటు ఈ సినిమాకు ఎల్‌ రెడ్ కుమార్ నిర్మాతగా.. వీ మణికందన్ సహ నిర్మాతగా వ్యవహరించారు.

ఈ మూవీలో సూరి సరసన హీరోయిన్ గా మహిమా నంబియార్ నటిస్తోంది. అలాగే ప్రముఖ నటుడు సత్యరాజ్, రవీంద్ర విజయ్, బాల శరవణన్, మిథున్, స్టన్ శివ తదితరులు కీలక పాత్రలు పోషిస్తున్నారు. ఇక ఇటీవల ఈ మూవీ సెన్సార్ కార్యక్రమాలను పూర్తి చేసుకుంది. ఈ చిత్రానికి యూఏ సర్టిఫికెట్‌ ను సెన్సార్ సభ్యులు జారీ చేశారు. అంటే 16 ఏళ్లకుపైబడిన వారు ఈ సినిమాను ఎలాంటి అభ్యంతరాలు లేకుండా చూడొచ్చు.

ఇక మండాడి మూవీ రన్ టైమ్ 2 గంటల 34 నిమిషాలు అంటే.. 154 నిమిషాలు ఉంది. ఇక ఇటీవల రిలీజ్ అయిన ట్రైలర్ సినిమాపై అంచనాలను పెంచేసింది. సముద్రంలో పడవ పందేలు హాలీవుడ్ సినిమా రేంజ్‌ లో ఉత్కంఠభరితంగా ఉన్నాయని టాక్ వినిపిస్తోంది. ఈ మూవీలో సూరీ, సుహాస్ నువ్వా నేనా అన్నట్లుగా పోటాపోటీగా నటించినట్లు తెలుస్తోంది. తమిళనాడులోని తీర ప్రాంతాలకు చెందిన సాంప్రదాయ బోట్ రేస్ పోటీల నేపథ్యంలో ఈ సినిమా తెరకెక్కింది.

ఇక ప్రముఖ మ్యూజిక్ డైరెక్టర్ జీవీ ప్రకాశ్ కుమార్ ఈ చిత్రానికి అద్భుతమైన మ్యూజిక్ ను అందించారు. సెప్టెంబర్ 10 న తమిళం, తెలుగు, కన్నడ, మలయాళం, హిందీ భాషల్లో ప్రపంచవ్యాప్తంగా ప్రేక్షకుల ముందుకు వస్తున్న ఈ చిత్రం రిలీజ్ తర్వాత ఎన్ని రికార్డులు కొల్లగొడుతుందో చూడాలి. ఇప్పటికే రిలీజ్ అయిన టీజర్, ట్రైలర్ లు సినిమాపై అంచనాలను పెంచిన నేపథ్యంలో మూవీని చూసేందుకు ప్రేక్షకులు ఆత్రుతగా ఉన్నారు. ఇక ఫుల్ రివ్యూ కోసం సెప్టెంబర్ 10 వరకు ఆగాల్సిందే..