2027 సంక్రాంతి టార్గెట్గా సీనియర్ హీరోలు.. చిరు, బాలయ్య, నాగ్, వెంకీ !!
టాలీవుడ్లో సంక్రాంతి సీజన్ అంటే బాక్సాఫీస్ వద్ద స్టార్ హీరోల యుద్ధానికి పెట్టింది పేరు. ప్రతి ఏడాది మాదిరిగానే 2027 సంక్రాంతి కూడా భారీ సినిమాలతో సినీ అభిమానులకు పండుగ వాతావరణాన్ని తీసుకురానుందని ఫిల్మ్నగర్లో జోరుగా చర్చ సాగుతోంది. ముఖ్యంగా సీనియర్ స్టార్ హీరోలు ఈసారి బాక్సాఫీస్ బరిలో ఒకేసారి దిగేందుకు సిద్ధమవుతున్నారని వార్తలు రావడంతో అభిమానుల్లో అంచనాలు అమాంతం పెరిగిపోయాయి.
సంక్రాంతి సీజన్ టాలీవుడ్కు ఎప్పుడూ లాభదాయకం కావడంతో, నిర్మాతలు కూడా ఈ ఫెస్టివల్పై ప్రత్యేక దృష్టి పెడుతున్నారు. కుటుంబ ప్రేక్షకులు ఎక్కువగా థియేటర్లకు వచ్చే సమయం కావడంతో, స్టార్ హీరోలు తమ సినిమాలను ఈ సీజన్లో విడుదల చేయడానికి ఆసక్తి చూపుతున్నారు. ఇప్పటికే సోషల్ మీడియాలో "2027 సంక్రాంతి విన్నర్ ఎవరు?" అనే చర్చలు కూడా మొదలయ్యాయి.
అక్కినేని నాగార్జున తన కెరీర్లో అత్యంత ప్రతిష్టాత్మకంగా తెరకెక్కుతున్న 100వ చిత్రం 'లాటరీ కింగ్'తో 2027 పొంగల్ రేసులో నిలవనున్నారని సమాచారం. ఈ మూవీని భారీ బడ్జెట్తో రూపొందిస్తున్నట్లు టాక్ వినిపిస్తోంది. నాగ్ కెరీర్లో మైలురాయి చిత్రంగా వస్తుండటంతో, ఇందులో స్టైలిష్ యాక్షన్తో పాటు ఫ్యామిలీ ఎమోషన్స్, కమర్షియల్ ఎలిమెంట్స్కు కూడా ప్రాధాన్యం ఇవ్వనున్నారట. ఇప్పటికే ఈ సినిమాపై ఇండస్ట్రీలో భారీ హైప్ నెలకొంది.
ఇక నందమూరి బాలకృష్ణ కూడా వెనక్కి తగ్గేలా కనిపించడం లేదు. స్టార్ డైరెక్టర్ కొరటాల శివ దర్శకత్వంలో బాలయ్య చేయనున్న కొత్త ప్రాజెక్ట్ కూడా అదే సంక్రాంతి సీజన్ను టార్గెట్ చేస్తోందని ప్రచారం జరుగుతోంది. 'అఖండ', 'వీరసింహారెడ్డి', 'భగవంత్ కేసరి' విజయాల తర్వాత బాలయ్య మార్కెట్ మరింత పెరగడంతో, ఈ సినిమాపై కూడా భారీ అంచనాలు ఏర్పడ్డాయి. కొరటాల శివ స్టైల్లో బలమైన సందేశంతో పాటు పవర్ఫుల్ యాక్షన్ ఉండబోతుందని సినీ వర్గాలు చెబుతున్నాయి.
ఈ ఇద్దరితో పాటు మెగాస్టార్ చిరంజీవి కూడా సంక్రాంతి పోరుకు సిద్ధమవుతున్నారని సమాచారం. దర్శకుడు బాబీతో ఆయన చేస్తున్న భారీ కమర్షియల్ ఎంటర్టైనర్ను 2027 పొంగల్కు రిలీజ్ చేసే ఆలోచనలో మేకర్స్ ఉన్నారట. 'వాల్తేరు వీరయ్య' తర్వాత ఈ కాంబో మళ్లీ రిపీట్ అవుతుండటంతో, అభిమానుల్లో ప్రత్యేక ఆసక్తి నెలకొంది. పూర్తి మాస్ యాక్షన్ ఎంటర్టైనర్గా ఈ మూవీ తెరకెక్కనున్నట్లు టాక్ వినిపిస్తోంది.
మరోవైపు విక్టరీ వెంకటేశ్ కూడా సంక్రాంతి బరిలో నిలిచే అవకాశాలు కనిపిస్తున్నాయి. దర్శకుడు అనిల్ రావిపూడితో ఆయన చేయనున్న ఫ్యామిలీ ఎంటర్టైనర్ను కూడా అదే సీజన్లో విడుదల చేయాలని ప్లాన్ చేస్తున్నట్లు తెలుస్తోంది. 'సంక్రాంతికి వస్తున్నాం' తరహాలో పూర్తి వినోదాత్మక కథతో ఈ సినిమా ఉండబోతుందని ప్రచారం జరుగుతోంది. వెంకీ కామెడీ టైమింగ్, అనిల్ రావిపూడి మార్క్ ఎంటర్టైన్మెంట్ కలిసి మరో బ్లాక్బస్టర్ ఇవ్వొచ్చని అభిమానులు భావిస్తున్నారు.
ఇలా చూస్తే 2027 సంక్రాంతి టాలీవుడ్ చరిత్రలోనే అత్యంత క్రేజీ బాక్సాఫీస్ వార్గా మారే అవకాశాలు కనిపిస్తున్నాయి. ఒకవైపు నాగార్జున 100వ సినిమా, మరోవైపు బాలయ్య-కొరటాల కాంబో, మెగాస్టార్ చిరంజీవి మాస్ ఎంటర్టైనర్, వెంకటేశ్ ఫ్యామిలీ మూవీ... ఇలా నాలుగు భారీ సినిమాలు ఒకేసారి విడుదలైతే థియేటర్ల వద్ద అసలైన పండుగ వాతావరణం నెలకొనడం ఖాయం అని సినీ విశ్లేషకులు చెబుతున్నారు.
Click it and Unblock the Notifications
Sign in with Google