మహేష్ బాబు " వారణాసి " స్టోరీ ఇదే.. పాన్ వరల్డ్ రికార్డ్స్ బ్రేక్ పక్కా ?

సూపర్ స్టార్ మహేష్‌ బాబు - దర్శకధీరుడు రాజమౌళి కాంబినేషన్ లో తెరకెక్కుతున్న మూవీ "వారణాసి". టాలీవుడ్ మోస్ట్ ప్రెస్టీజియస్ ఫిల్మ్ గా.. మహేష్ బాబు కెరీర్ లోనే అత్యంత భారీ బడ్జెట్ తో ఈ సినిమా నిర్మిస్తున్నారు. మాలీవుడ్ స్టార్ పృథ్వీరాజ్ సుకుమారన్ కీలక పాత్రలో కనిపించనుండగా.. గ్లోబల్ బ్యూటీ ప్రియాంక చోప్రా ఈ చిత్రంలో హీరోయిన్‌గా నటిస్తుంది. దుర్గా ఆర్ట్స్ క్రియేషన్స్ బ్యానర్‌పై నిర్మాత కే.ఎల్. నారాయణ దాదాపు రూ.1200 కోట్ల భారీ బడ్జెట్‌తో నిర్మిస్తున్నారు. ఆస్కార్ అవార్డు గ్రహీత ఎం.ఎం కీరవాణి సంగీతం సమకూరుస్తున్నారు. ఈ సినిమాకు వీఎఫ్‌ఎక్స్‌ (VFX) వర్క్ చేస్తున్న ఒక అంతర్జాతీయ సంస్థ తన వెబ్‌సైట్‌లో స్టోరీని క్లుప్తంగా రాయడంతో ప్రస్తుతం అది వైరల్‌గా మారింది.

స్టోరీ ఇదే..

ఈ సినిమా టైమ్ ట్రావెల్ బ్యాక్‌డ్రాప్‌లో సాగుతుందని తెలుస్తోంది. లీక్ అయిన సమాచారం ప్రకారం.. ఈ సినిమాలో మహేశ్‌బాబు పరమ శివభక్తుడిగా కనిపిస్తారని సమాచారం. అపారమైన ఆధ్యాత్మిక శక్తులతో పాటు, ప్రపంచాన్ని ప్రభావితం చేసే సామర్థ్యం ఉన్న ఒక అరుదైన 'విశ్వ కళాఖండం' కోసం ఆయన చేసే అన్వేషణ కథకు ప్రధానాంశంగా నిలుస్తోంది. కనుమరుగైన ఆ విశ్వ కళాఖండాన్ని వెతికే క్రమంలో మహేశ్‌బాబు కాలగమనాన్ని దాటి ప్రయాణిస్తాడని అంటున్నారు. శతాబ్దాల నాటి నాగరికతలు, పురాతన దేవాలయాలు, గూఢరహస్యాలతో నిండిన ప్రదేశాల్లో ఈ సాహస యాత్ర సాగుతుందని భావిస్తున్నారు. మొత్తంగా తన ప్రయాణంలో ఆయన ఎన్నో సవాళ్లను ఎదుర్కొంటూ, దాగి ఉన్న రహస్యాలను ఎలా ఛేదిస్తాడనేది మూవీ స్టోరీ.

ఈ సినిమాలో విలన్‌గా నటిస్తున్న Prithviraj Sukumaran పాత్రకు 'కుంభ' అనే పేరు పెట్టినట్టు ఇప్పటికే వెల్లడించారు. ప్రపంచాన్ని తన ఆధీనంలోకి తీసుకోవాలని ఆశపడే అత్యంత తెలివైన, క్రూరమైన వ్యక్తిగా ఆయన కనిపించనున్నారు. ఆ విశ్వ కళాఖండాన్ని సొంతం చేసుకుని ప్రపంచాన్ని శాశ్వతంగా తన గుప్పిట్లో పెట్టుకోవాలనే అతని లక్ష్యమే కథలో ప్రధాన ఘర్షణగా నిలుస్తుంది. ఈ సినిమాను అత్యున్నత సాంకేతిక ప్రమాణాలతో, ముఖ్యంగా IMAX ఫార్మాట్‌లో రూపొందిస్తున్నారు. విజువల్ ఎఫెక్ట్స్, గ్రాండ్ సెట్స్, అంతర్జాతీయ స్థాయి యాక్షన్ సీక్వెన్సులతో ఈ సినిమా హాలీవుడ్ రేంజ్‌లో ఉండబోతోందని సమాచారం.

షూటింగ్ - రిలీజ్ ప్లాన్..

ఇప్పటికే పృథ్వీరాజ్ తన భాగం షూటింగ్ పూర్తి చేసుకున్నట్టు సమాచారం. మిగతా షూటింగ్‌ను వేగంగా పూర్తి చేసి, ఆగస్టు లేదా సెప్టెంబర్ నాటికి చిత్రీకరణ ముగించాలని మేకర్స్ భావిస్తున్నారు. ప్రపంచవ్యాప్తంగా 2027 ఏప్రిల్ 7న ఈ సినిమాను భారీ స్థాయిలో విడుదల చేయడానికి ప్లాన్ చేస్తున్నారు. రీసెంట్ గానే హైదరాబాద్ లోని రామోజీ ఫిల్మ్ సిటీలో 'గ్లోబ్ ట్రోటర్' పేరుతో గ్రాండ్ ఈవెంట్‌ను నిర్వహించారు. అందులో భాగంగానే ఈ చిత్రం టైటిల్ అధికారికంగా అనౌన్స్ చేసి.. గ్లింప్స్ వీడియో రిలీజ్ చేశారు. అలానే మహేష్ బాబు ఫస్ట్ లుక్ కూడా విడుదల చేశారు. ఈ వీడియోలు సోషల్ మీడియాలో ఫుల్ ట్రెండింగ్ అవ్వగా.. అంతర్జాతీయ స్థాయిలో మూవీపై అంచనాలను పెంచేశాయి.

English summary

"Varanasi" is the movie being made in the combination of Superstar Mahesh Babu and director Rajamouli. As the most prestigious film in Tollywood, Mahesh Babu is producing this movie with the biggest budget in his career.