బన్నీని పక్కన పెట్టి యష్ - లోకేష్ కనగరాజ్ కాంబో.. బన్నీ-యష్ ఫ్యాన్స్ రచ్చ!
సినీ పరిశ్రమలో ఊహించని రెండు క్రేజీ శక్తులు కలవడం కంటే అభిమానులకు పూనకాలు తెప్పించే విషయం మరోటి ఉండదు. తాజాగా అలాంటి ఒక సంచలన కాంబినేషన్ నెట్టింట ఊహించని రీతిలో హల్చల్ చేస్తోంది. కోలీవుడ్ మాస్ డైరెక్టర్ లోకేష్ కనకరాజ్, శాండల్వుడ్ 'రాకింగ్ స్టార్' యష్ కలసి ఒక భారీ పాన్-ఇండియా ప్రాజెక్ట్ను పట్టాలెక్కించబోతున్నారంటూ సోషల్ మీడియాలో కథనాలు షికారు చేస్తున్నాయి. అయితే, టాలీవుడ్ నుంచి కన్నడ ఇండస్ట్రీ వరకు మంటలు రేపుతున్న ఈ ప్రచారం వెనుక ఉన్న అసలు నిజమేంటి?
అల్లు అర్జున్ను వదిలేసి యష్ వైపు మొగ్గుచూపారా?
ఈ ప్రచారానికి ప్రధాన కారణం ఐకాన్ స్టార్ అల్లు అర్జున్ ఫ్యూచర్ ప్రాజెక్టులే. మైత్రీ మూవీ మేకర్స్ నిర్మాణంలో బన్నీ - లోకేష్ కనకరాజ్ కాంబినేషన్లో ఓ భారీ చిత్రం రావాల్సి ఉంది. అయితే అల్లు అర్జున్ ప్రస్తుతం అట్లీ దర్శకత్వంలో చేస్తున్న 'రాకా' షూటింగ్ పూర్తి కావడానికి చాలా సమయం పట్టేలా ఉంది. ఆ ప్రాజెక్ట్ ముగిసే వరకు బన్నీ తదుపరి సినిమా సెట్స్పైకి వెళ్లే అవకాశం లేదు. దీంతో ఆ సమయాన్ని వృథా చేయకూడదనే ఉద్దేశంతోనే లోకేష్, ఇటీవలే 'టాక్సిక్'తో పలకరించిన యష్ను కలిశారని, వారిద్దరి మాస్ మేకింగ్ స్టైల్స్ సరిగ్గా కుదురుతాయని భావించి ఓ యాక్షన్ కథను ఓకే చేసుకున్నారని వార్తలు గుప్పుమన్నాయి.
వార్తల్లో ఉన్న అసలు నిజమెంత?
ఈ ప్రచారం క్షణాల్లో దేశవ్యాప్తంగా వైబ్ తెచ్చినప్పటికీ, సినీ విశ్లేషకులు, పరిశ్రమ వర్గాలు మాత్రం దీన్ని కేవలం కట్టుకథగానే కొట్టిపారేస్తున్నాయి. అల్లు అర్జున్ - లోకేష్ ప్రాజెక్ట్ ఎక్కడా ఆగిపోలేదని, దానికి సంబంధించిన ప్రీ-ప్రొడక్షన్ పనులు శరవేగంగా కొలిక్కి వస్తున్నాయని సమాచారం. త్వరలోనే అధికారికంగా పూజా కార్యక్రమంతో గ్రౌండ్వర్క్ ప్రారంభం కానుందని చెబుతున్నారు. యష్ లేదా లోకేష్ టీమ్ నుంచి ఎలాంటి అధికారిక ప్రకటన లేకపోవడంతో ఇది కేవలం ఊహాగానమేనని స్పష్టమవుతోంది.
ఫ్యాన్ వార్స్కు తోడైన కొత్త వివాదం!
ఈ రూమర్ ఇంతగా రగులుకోవడానికి సోషల్ మీడియా వేదికగా అల్లు అర్జున్, యష్ అభిమానుల మధ్య జరుగుతున్న తీవ్రమైన మాటల యుద్ధమే కారణం. గతంలో యష్ గురించి అల్లు అరవింద్ చేసిన కొన్ని వ్యాఖ్యలు ఇటీవల 'టాక్సిక్' విడుదల సమయంలో మళ్లీ తెరపైకి వచ్చాయి. దానికి యష్ తల్లి పుష్ప అరుణ్ కుమార్ ఘాటుగా సమాధానమివ్వడం, సెల్ఫ్ మేడ్ స్టార్గా తన కొడుకు ఎదిగిన తీరును గుర్తుచేయడం వివాదాన్ని తీవ్రం చేసింది. ఈ అంశంపై దర్శకుడు రామ్ గోపాల్ వర్మ కూడా ప్రవేశించి అరవింద్ వ్యాఖ్యలకు మద్దతుగా మాట్లాడటంతో వివాదం మరింత ముదిరింది.
ఈ రచ్చ ఇలా సాగుతుండగానే, లోకేష్ తన నెక్స్ట్ ప్రాజెక్ట్ కోసం బన్నీని కాదని యష్ను ఎంచుకున్నారనే ప్రచారం అగ్నికి ఆజ్యం పోసినట్లయింది. బన్నీ ఫ్యాన్స్ ఇది కేవలం కల్పిత కథనమని కొట్టిపారేస్తుంటే, యష్ అభిమానులు మాత్రం లోకేష్-యష్ కాంబో గనుక సెట్ అయితే బాక్సాఫీస్ వద్ద రికార్డులు తిరగరాయడం ఖాయమని ధీమా వ్యక్తం చేస్తున్నారు. ఈ వైరల్ న్యూస్పై లోకేష్ లేదా యష్ బృందం ఎప్పుడు స్పందిస్తుందో వేచి చూడాలి!
Click it and Unblock the Notifications
Sign in with Google