ఘనంగా ముగిసిన 63వ గణతంత్ర దినోత్సవ వేడుకలు

By Nageswara Rao

Published: Thursday, January 26, 2012, 12:41 [IST]

న్యూఢిల్లీ: భారత దేశ రాజధాని న్యూఢిల్లీలో 63వ గణతంత్ర దినోత్సవ వేడుకులు అత్యంత వైభవోపేతంగా సాగాయి. ఈ కార్యక్రమానికి భారతదేశ ప్రధమ పౌరురాలు రాష్టపతి ప్రతిభా పాటేల్ త్రివర్ణ పతాకాన్ని ఆవిష్కరించి, సైనిక వందనం స్వీకరించారు. త్రివిధ దళాల కవాతు దేశ ప్రజలను ఆశ్చర్యంలో ముంచెత్తింది. దేశ ఔన్నాత్యాన్ని ఈ వేడుకల ద్వారా మరో సారి చాటాయి.

భారత దేశ గణతంత్ర దినోత్సవ కార్యక్రమానికి ముఖ్య అతిధిగా థాయిలాండ్‌ ప్రధాని షినవత్రా హాజరయ్యారు. ప్రధాని మన్మోహాన్‌సింగ్, యుపిఎ ఛైర్ పర్సన్ సోనియాగాంధీ బిజెపి అగ్ర నేత అద్వానీ తదితరులు ఈ వేడుకల్లో పాల్గోన్నారు.

ఇక ఆంధ్ర ప్రదేశ్‌లో గణతంత్ర దినోత్సవ వేడుకలను రాష్ట్ర గవర్నర్ నరసింహాన్ సికింద్రాబాద్ పరేడ్ గ్రౌండ్స్‌లో జాతీయ జెండాని ఆవిష్కరించారు. ఆంద్రప్రదేశ్ ప్రజలకు గణతంత్ర దినోత్సవ శుభాకాంక్షలను తెలియజేశారు. ఈ కార్యక్రమానికి ముఖ్యమంత్రి, ఉప ముఖ్య మంత్రి దామోదర రాజనర్సింహా, స్పీకర్ నాదెండ్ల మనోహార్, పిసిసి ఛీప్ బొత్స సత్యనారాయణ, కాంగ్రెస్ నేతలు హాజరయ్యారు.

Published On January 26, 2012