చిరంజీవి పార్టీ ఆఫీసు జూబిలీహిల్స్ లో?

చిరంజీవి పార్టీ కార్యాలయ భవన నిర్మాణానికి పనులు చురుగ్గా జరుగుతున్నాయి. అంబేద్కర్ ఓపెన్ యూనివర్శిటీ ఉన్న జూబ్లీహిల్స్‌లోని రోడ్ నెంబర్ 48లో ఈ భవన నిర్మాణం జరుగు తున్నాయి. . ఇదే రోడ్డులో దాసరి నారాయణరావు నివాసముంటున్నారు. ఇటీవల కార్యాలయ భవన నిర్మాణం కోసం చిరంజీవి దంపతులు భూమిపూజ చేసినట్లు తెలియవచ్చింది.

ప్రస్తుతం పునాది పనులు జరుగుతున్నాయి. తాత్కాలికంగా ఒక షెడ్డును నిర్మించారు. ఈ భవన నిర్మాణాన్ని మూడు నెలల్లో పూర్తి చేయడానికి ప్రణాళిక సిద్ధమైంది. చిరంజీవి నోరువిప్పి చెప్పకపోయినా ఆయన చేపడుతున్న చర్యలు, ఆయన కలుస్తున్న, ఆయనను కలుస్తున్న వ్యక్తులను బట్టి ఆయన పార్టీ త్వరలోనే ప్రజలముందుకు రావడం ఖాయమని తెలుస్తోంది. మరోవైపు ఆయన నటనకు కూడా తాత్కాలికంగా స్వస్తి చెప్పినట్లేనని వినిపిస్తోంది.