రజనీ తో షారూఖ్ రాజీ

మళయాళంలో హిట్టయిన 'కథా పరియంబోల్' సినిమా తమిళ,తెలుగు,హిందీ భాషల్లో రీమేక్ అవుతున్న సంగతి తెలిసిందే . అయితే పి.వాసు దర్శకత్వంలో రజనీకాంత్ కథానాయకుడు ( కుశేలన్) సినిమా త్వరగా షూటింగ్ ఫినిష్ చేసుకుని రిలీజుకు రెడీ అయింది. కానీ ప్రియదర్శన్ దర్శకత్వంలో షారూఖ్ ఖాన్ 'బిల్లో బార్భర్' పేరుతో తెరకెక్కిస్తున్న చిత్రం మాత్రం పూర్తి కాలేదు. ఈ లోగా 'కుశేలన్' ను హిందీలోకి డబ్బింగ్ చేసి ఆ వెర్షన్ ను కూడా తెలుగు, తమిళ వెర్షన్స్ రోజే విడుదలకు సిద్ధంచేస్తూండటంతో సమస్య వచ్చి పడింది.

షారూఖ్ తన సినిమాని దీపావళికి ప్లాన్ చేసుకున్నాడు. కానీ ఈ లోగే 'కుశేలన్' చిత్రం హిందీ వెర్షన్ రిలీజైతే తమ చిత్రానికి దెబ్బ అని అర్ధంచేసుకున్న షారూఖ్ వెంటనే రజనీని సంప్రదించాడుట. కొంత కాలం పాటు కుశేలన్ హిందీ వెర్షన్ ని పోస్ట్ ఫోన్ చేసుకోమని రిక్వస్టు చేసాడుట. పెద్ద మనసుతో రజనీ ఒప్పుకున్నాడుట. దీనికి ప్రియదర్శన్ స్పందిస్తూ రజనీని పొగిడి..తమ చిత్రం అరవై శాతం పూర్తయిందని, కరీనాకపూర్, దీపికా పడ్కోని ల సన్నివేసాలు ఈ మధ్యే పూర్తి చేసామని ..ఇంకా రెండు సాంగ్స్ ఫినిష్ చేస్తే చాలని చెప్పుకొచ్చాడు. యేదైమైనా ఆ మధ్య ఇద్దరి హీరోల మధ్య పచ్చగడ్డి వేస్తే భగ్గుమంటుందని ప్రచారం చేసిన మీడియా ఈ సంఘటనతో తెల్లబోయింది.