నానిపై చిరంజీవి ప్రతీకారం!

చిరంజీవి ప్రజారాజ్యం పార్టీలో చేరినట్టే చేరి తన 'నిజ స్వభావాన్ని' కేసినేని నాని బయటపెట్టుకున్నాడని భావిస్తున్న ఆ పార్టీ 'మేధావులు' నాని గత చరిత్రను బయటపెట్టడానికి ప్రయత్నిస్తున్నారు. ట్రావెల్స్ వ్యాపారంలో ఉన్న నాని ఏ ప్రభుత్వం అధికారంలో ఉంటే వాళ్ళకి, రాబోయే ప్రభుత్వానికి కోట్లలో డబ్బులు ముట్ట జెప్పడం అలవాటని, నాని తండ్రి నుంచి ఆ పథకం అమలు జరుగుతోందని ఇప్పుడు చిరంజీవి శిబిరంలోని మేధావులు ఒక పథకం ప్రకారం విషయాలను లీక్ చేస్తున్నారు.

ట్రాన్స్ పోర్ట్ శాఖలో ఉన్న ఒక బట్టతల అధికారి ద్వారా అక్రమాలకు పాల్పడుతున్న ఒక కులం ట్రాన్స్ పోర్టు ఆపరేటర్లకు కేసినేని నాని రింగ్ లీడర్ గా ఉన్నారని, దొంగ నెంబర్ ప్లేట్లతో వీళ్ళు కోట్లాది రూపాయల పన్నును ఎగ్గొడుతున్నారని చిరు మేధావులు చెబుతున్నారు. నాని కుటుంబం చంద్రబాబు నాయుడుకు అడుగులకు మడుగులొత్తారని ఇప్పుడు నాని కోవర్టులా ప్రజారాజ్యం పార్టీలో చేరి, అంతర్గత విషయాలను బయటపెట్టారని, మరికొంత మసాలా జోడించి ప్రజారాజ్యం పార్టీ పరువు తీశారని రాజకీయ విశ్లేషకులు వ్యాఖ్యానిస్తున్నారు.