చంద్రబాబు ప్రధాన సలహాదారు నారా లోకేష్ బాబా?

నారా చంద్రబాబు నాయుడు తనకు ఏకైక పుత్రుడు ఉన్నాడని ఎంతో సంతోషిస్తూ ఉంటారు. వైఎస్ తన కుమారుడు జగన్ ను అమెరికా పంపించినా చదువుకోకుండా వెనక్కి తిరిగి వచ్చాడని బాబు అసెంబ్లీలోనే ఆక్షేపించారు. తన కుమారుడు ఎంతో బుద్ధిమంతుడని బాబు పొంగిపోతూ ఉంటారు. లోకేష్ మీద ఎన్నో ఆరోపణలు ఉన్న విషయం ప్రెస్ వర్గాల్లో ప్రచారంలో ఉంది.

లోకేష్ ఆర్ధిక విషయాల్లో ఎంతో నిష్ణాతుడని బాబు నమ్మకం. లోకేష్ నగదు బదిలీ పథకం గత ఎన్నికల్లో తెలుగుదేశం పార్టీకి ఏ మాత్రం మేలు చేయలేకపోయింది. ఇప్పుడు లోకేష్ చంద్రబాబు నాయుడికి సలహాదారుడిగా మారాడు. ఢిల్లీలో తెలంగాణపై జరుగనున్న అఖిలపక్ష సమావేశానికి హాజరు కావద్దని లోకేష్ తండ్రి గారికి సలహా ఇచ్చినట్టు తెలుస్తోంది. రేపు జరుగనున్న ఆ సమావేశానికి తెలుగుదేశం తరఫున నాగం జనార్ధన్ రెడ్డి, కోడెల శివప్రసాదరావు హాజరవుతున్నారు. చంద్రబాబు నాయుడు తెలంగాణపై తీసుకున్న కప్పదాటు వైఖరి విమర్శలకు దారి తీస్తోంది. ఆయనను ఇటు ఆంధ్రులు అటు తెలంగాణ వారు నమ్మలేని పరిస్ధితి ఏర్పడింది.