చిరంజీవి మాస్టారు కోసం ఉస్మానియాలో చెప్పులు సిద్ధం!

సమైక్యాంధ్ర పాఠం వల్లిస్తున్న చిరంజీవికి ఉస్మానియా విద్యార్ధులు గుణపాఠం చెప్పదలచుకున్నారా? త్వరలో ఉస్మానియా యూనివర్సిటీకి వెళ్ళి విద్యార్ధులకు సమైక్య పాఠాలు చెబుతానన్న చిరంజీవి ప్రకటనకు విద్యార్ధి సంఘాలు తీవ్రంగా స్పందించిన విషయం తెలిసిందే. జార్జి బుష్ ప్రసంగిస్తుండగా ఆగంతకుడు బూట్లు విసిరిన విషయం ప్రపంచవ్యాప్తంగా సంచలనం సృష్టించింది. అదే విధంగా చిదంబరం మీడియా సమావేశంలో ఒక సిక్కు విలేకరి ఆయనపైకి బూట్లు విసిరాడు.

కోస్తా ఆంధ్ర జిల్లాల్లో సమైక్యవాదాన్ని విన్పిస్తున్న చిరంజీవి ఉస్మానియా విద్యార్ధులకు శాంతి పాఠాలు చెప్పడానికి రావాలనుకుంటున్నారు. అయితే 28 తర్వాత పరిస్ధితులు ఎలా ఉంటాయో, ఆయన ఎంత వరకు ఆ సాహసం చేస్తారో స్పష్టంగా తెలియడం లేదు. చిరంజీవి దీనిని చాలెంజ్ గా తీసుకుని విద్యార్ధుల్లో పరివర్తన తేవడానికి ముందుకు వస్తారా రారా అన్నది స్పష్టంగా తెలియడం లేదు. కోస్తాఆంధ్రలో సమైక్యాంధ్ర ఉద్యమాలు అంత సమర్ధంగా సాగకపోవడం చిరంజీవికి నిరుత్సాహం కలిగిస్తోంది. అనవరంగా సమైక్యాంధ్ర నినాదాన్ని మోస్తున్నానా అన్న బెంగ ఆయనకు పట్టుకున్నట్టు కన్పిస్తోంది.