అంబటి రాసలీలలు: సాక్షి మిమిక్రీ కథనం

By Pratap

Published: Monday, September 19, 2011, 8:43 [IST]

ఎబిఎన్ ఆంధ్రజ్యోతి చానెల్ ప్రసారం చేసిన వైయస్సార్ కాంగ్రెసు పార్టీ నాయకుడు అంబటి రాంబాబు రాసలీలల కథనం మార్ఫింగ్ అని చెప్పడానికి వైయస్ జగన్‌కు చెందిన సాక్షి టీవీ చానెల్ ప్రయత్నం చేసింది. వేర్వేరు సందర్భాల్లో మాట్లాడిన మాటలను ఒక్కచోట చేర్చి అంబటి రాంబాబుపై ఎబిఎన్ ఆంధ్రజ్యోతి చానెల్ రాంబాబుపై కథనం అల్లిందని చెప్పడానికి ప్రయత్నించింది. ఫోన్ ట్యాపింగ్ చేసి అంబటి రాంబాబును దెబ్బ తీయడానికి కథనాన్ని అల్లిందని చెప్పడానికి మిమిక్రీ కళను వాడుకుంది.

మిమిక్రీ ద్వారా రాంబాబును అనుకరించి కథనం అల్లారని చెప్పడానికి కూడా యత్నించింది. రమేష్ అనే మిమిక్రీ కళాకారుడి ద్వారా మిమిక్రీ చేయించి ఎలా తప్పుడు విధానాలకు దాన్ని వాడుకోవచ్చునే చూపించింది. ఇందుకుగాను రమేష్ చేత ఎం. సత్యనారాయణ రావు, బాలకృష్ణ వంటి ప్రముఖులను అనుకరింపజేస్తూ సాక్షి టీవీ చానెల్ రమేష్ చేత మాట్లాడించింది. ఏమైనా, అంబటి రాంబాబును పూర్తి స్థాయిలో వెనకేసుకు రావడానికి సాక్షి కట్టుబడి ఉందనేది అర్థమవుతోంది.

Published On September 19, 2011