కెవిపినీ విచారించనున్న సిబిఐ?

వైయస్ రాజశేఖర రెడ్డి హయాంలో ప్రభుత్వ సలహాదారుగా పనిచేసిన కెవిపి రామచందర్ రావును కూడా సిబిఐ విచారించే అవకాశాలున్నట్లు ప్రచారం జరుగుతోంది. వైయస్ హయంలో జరిగిన కీలక నిర్ణయాలన్నింటిలో కెవిపి పాత్ర ఉందనేది అందరూ అనుకునే విషయమే. కర్ణాటక మాజీ మంత్రి గాలి జనార్దన్ రెడ్డి, వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆస్తుల కేసుల్లో కెవిపి రామచందర్ రావును సిబిఐ విచారిస్తుందని అంటున్నారు. ఎమ్మార్ ప్రాపర్టీస్ వ్యవహారంలోనూ కెవిపి పేరు వినిపిస్తోంది. వైయస్సార్ ప్రియ మిత్రుడు కెవిపి మొత్తం ప్రభుత్వ వ్యవహారాల్లో చక్రం తిప్పారని అనుకునే మాటనే.

వాన్‌పిక్ ప్రాజెక్టుకు సంబంధించి ముఖ్యమంత్రి కార్యాలయంలో ప్రత్యేక కార్యదర్శిగా పనిచేసిన భానును, గతంలో మౌలిక సదుపాయాలు, పెట్టుబడుల శాఖ కార్యదర్శిగా పనిచేసిన మన్మోహన్ సింగ్‌ను, తదితర అధికారులను విచారించినప్పుడు కెవిపి రామచందర్ రావు పేరు ప్రస్తావనకు వచ్చినట్లు సమాచారం. ప్రాజెక్టులపై వైయస్ రాజశేఖర రెడ్డితో పాటు కెవిపి రామచందర్ రావు అధికారులపై పెట్టిన ఒత్తిళ్లు కూడా ఉన్నట్లు చెబుతున్నారు. ఇటీవల మంత్రి శంకరరావు సిబిఐ విచారణ తీరుపై అసంతృప్తి వ్యక్తం చేయడం కూడా కెవిపిని సిబిఐ పట్టించుకోవడం లేదనే. కెవిపిని వదిలేసి ఐఎఎస్ అధికారులపై పడ్డారనేది శంకరరావు మంట అని అంటున్నారు.

English summary

It is said that CBI may grill Congress Rajyasabha member and YSR close friend KVP Ramachandar Rao