వైయస్ జగన్ సాక్షి టార్గెట్

కడప, పులివెందుల ఉప ఎన్నికల నేపథ్యంలో తెలుగుదేశం, కాంగ్రెసు పార్టీలు వైయస్సార్ కాంగ్రెసు పార్టీ నాయకుడు వైయస్ జగన్ సాక్షి మీడియాను టార్గెట్ చేసుకున్నాయి. సాక్షిలో వస్తున్న వార్తాకథనాలపై ఆ పార్టీలు దృష్టి పెట్టాయి. సాక్షిలో వస్తున్న వార్తాకథనాలను పెయిడ్ ఆర్టికల్స్‌గా పరిగణించాలని ఆ పార్టీలు ఎన్నికల సంఘాన్ని కోరుతున్నాయి. అలా ప్రకటిస్తే జగన్‌కు అనుకూలంగా వస్తున్న వార్తాకథనాలు కూడా ఆయన ఎన్నికల ఖర్చులో జమవుతాయి. దానికన్నా ముఖ్యంగా ఏకపక్ష వార్తాకథనాలను కట్టడి చేయడం ద్వారా జగన్‌పై ఒత్తిడి తేవాలనేది ఆ పార్టీల లక్ష్యంగా కనిపిస్తుంది.

చెల్లింపు కథనాలపై వైయస్ ‌జగన్‌కు ఇప్పటికే 9 నోటీసులు జారీ చేసినట్లు జిల్లా ఎన్నికల అధికారి శశిభూషణ్ కుమార్ చెప్పారు. నిబంధనలను ఉల్లంఘించారంటూ నాయకులపై 50 దాకా ఫిర్యాదులు వచ్చినట్లు ఆయన తెలిపారు. మొత్తం మీద, కడప లోకసభ స్థానానికి జరుగుతున్న ఉప ఎన్నికల్లో ఫిర్యాదులు వెల్లువలా పారుతున్నాయి.

English summary

Congres and Telugudesam have targeted YSR Congress party leader YS Jagan's sakshi media. They are campaigning on Sakshi reports.