కిరణ్‌కూ కెవిపి మంత్రాంగమే

By Pratap

Published: Wednesday, June 29, 2011, 10:17 [IST]

పిసిసి అధ్యక్షుడు బొత్స సత్యనారాయణ వైయస్ రాజశేఖర రెడ్డి వ్యక్తిగత సహాయకుడు సూరిని దగ్గరకు తీసుకోగా, ముఖ్యమంత్రి కిరణ్ కుమార్ రెడ్డి సలహాదారు కెవిపి రామచందర్ రావును మంచి చేసుకోవడానికి ప్రయత్నిస్తున్నారు. తాను ముఖ్యమంత్రి పదవి చేపట్టగానే ప్రభుత్వ సలహాదారు పదవికి రాజీనామా చేయాలని కిరణ్ కుమార్ రెడ్డి రామచందర్ రావుకు సూచించారు. దాంతో ఆయన రాజీనామా చేశారు. అయితే, ఇప్పటి వరకు ఆ రాజీనామాను ఆమోదించలేదు.

బొత్స సత్యనారాయణ, కిరణ్ కుమార్ రెడ్డి పోటాపోటీగా కెవిపి రామచందర్ రావును కలిశారు. ఆయన మంత్రాంగమే శరణ్యమని వారు కెవిపితో చెప్పినట్లు సమాచారం. రాష్ట్రంలో పార్టీని గాడిలో పెట్టడానికి, జగన్‌ను ఎదుర్కోవడానికి ముందుకు రావాలని వారు అర్థించినట్లు సమాచారం. తన రాజీనామాను ఆమోదించాలని రామచందర్ రావు తనను కలిసిన ముఖ్యమంత్రిని కోరారట. అయితే, ముఖ్యమంత్రి అందుకు సున్నితంగా తిరస్కరించినట్లు చెబుతున్నారు.

Published On June 29, 2011