వైయస్ జగన్ సాక్షి వర్సెస్ టీవి9

By Pratap

Published: Thursday, October 27, 2011, 8:11 [IST]

టీవి9 తెలుగు చానెల్‌పై వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి చెందిన సాక్షి టీవీ చానెల్ నిప్పులు చెరుగుతోంది. మెరుగైన సమాజం కోసం అంటూ ఇచ్చే టీవీ9 ట్యాగ్‌లైన్‌పై వ్యంగ్యాస్త్రాలు విసురుతోంది. టీవీ9కు చెందిన రవిప్రకాష్‌పై తీవ్ర ఆరోపణలు చేస్తోంది. ఈ మేరకు సాక్షి టీవీ చానెల్ బుధవారం ఓ వార్తాకథనాన్ని ప్రసారం చేసింది. వైయస్ జగన్ నివాసంలో విదేశీ బార్ ఉందంటూ ప్రసారం చేసిన వార్తాకథనం సాక్షి టీవీ చానెల్ అరికాళ్ల మంట నెత్తికెక్కింది. అప్పటి నుంచి వివాదం సాగుతూనే ఉన్నది.

సాక్షి మీడియా రామోజీరావు ఈనాడును, వేమూరి రాధాకృష్ణ ఆంధ్రజ్యోతి మీడియాను ఎల్లో సిండికేట్‌గా అభివర్ణించడం పరిపాటిగా మారింది. సాక్షి టీవీ చానెల్ ఆ ఎల్లో సిండికేట్‌తో ఏ ప్రయోజనాలు ఆశించి చేతులు కలిపిందనే ప్రశ్నను సాక్షి వార్తాకథనం లేవనెత్తింది. మొత్తం మీద, ఆంధ్రప్రదేశ్‌లో మీడియా రెండుగా చీలిపోయి, పరస్పరం కారాలు మిరియాలు నూరుకుంటున్న వైనం తాజా పరిణామాన్ని బట్టి మరింత తేటతెల్లం అవుతోంది.

Published On October 27, 2011