ది ఇంటర్వ్యూ చిచ్చు: ఒబామాను కోతి అన్నారు..
వాషింగ్టన్: ఉత్తర కొరియా అధ్యక్షుడిని చంపే కల్పిత కుట్ర కథతో సోనీ సంస్థ నిర్మించిన కామెడీ సినిమా 'ది ఇంటర్వ్యూ'పై కొద్ది రోజులుగా వివాదం నెలకొంది. ఈ సినిమా పైన ఉత్తర కొరియా తీవ్రంగా మండిపడుతోంది. దీనిని విడుదల చేయవద్దని గతంలో ఉత్తర కొరియా హెచ్చరించింది.
అయితే, విడుదలలో తానే జోక్యం చేసుకోవాల్సి ఉంటుందని అమెరికా అధ్యక్షులు బరాక్ ఒబామా కూడా అదే విధంగా స్పందించారు. ఇదిలా ఉండగా..ఇప్పుడు ఈ వివాదం మరింతగా ముదురుకుంది. బరాక్ ఒబామాను కోతితో పోల్చారు. దీంతో ఉత్తర కొరియాలో రెండు గంటల పాటు ఇంటర్నెట్ సేవలు నిలిచిపోయాయి.
సినిమా విడుదలకు అమెరికా ప్రయత్నిస్తే తీవ్ర పరిణామాలు ఉంటాయని ఉత్తర కొరియా హెచ్చరించింది. ఈ నేపథ్యంలో ఇంటర్నెట్ సేవలు నిలిచిపోయాయి.
దీంతో తమ హెచ్చరికలకు ప్రతీకారంగానే ఇంటర్నెట్ నిలిపివేయించారని ఉత్తర కొరియా అనుమానిస్తోంది. దీంతో ప్రజలు తీవ్ర ఇబ్బందులు పడ్డారు. ఇంటర్నెట్ నిలిచిపోయిన అంశంపై ఉత్తర కొరియా అమెరికా పైన మండిపడింది. ఒబామాను కోతిగా అభివర్ణించింది.